Pwovèb 1:1-33
1 Men pwovèb Salomon+, pitit gason David+, wa peyi Izrayèl+, te bay yo,
2 Pou moun ka aprann* sa sajès+ ak disiplin ye,Pou yo ka konprann pawòl ki gen sajès,
3 Pou yo ka vin gen disiplin+ ki fè moun gen bon konprann,Ki fè yo fè sa ki dwat+, ki fè yo gen bonsans*+ e ki fè yo gen prensip*,
4 Pou fè moun ki pa gen eksperyans yo vin gen lespri+,Pou bay jèn moun yo konesans e pou fè yo aprann reflechi+.
5 Yon moun ki gen sajès konn koute e li vin gen plis konesans+.Yon moun ki gen bon konprann ap vin konnen fason pou l aji avèk ladrès*+,
6 Pou l ka konprann pwovèb yo, pawòl ki difisil pou moun konprann* yo,Pawòl moun ki gen sajès yo ak devinèt yo bay+.
7 Yon moun kòmanse gen konesans lè l gen lakrentif* pou Jewova+.Se sèl moun sòt ki pa bay sajès ak disiplin valè+.
8 Pitit mwen, koute papa w lè l ap ba w disiplin+,E pa bliye lòd* manman w ba ou+.
9 Yo se yon bèl kouwòn flè pou w met sou tèt ou+,E yo se yon bèl bijou pou w met nan kou w+.
10 Pitit mwen, si moun k ap fè peche yo ap eseye pran tèt ou, pa kite yo fè sa+.
11 Si yo di w: “Vin ansanm avèk nou.Ann al tann pèlen pou n fè san koule.N ap kache kò nou pou n atake moun ki inosan yo san rezon.
12 N ap vale yo tou vivan, menm jan Tonm nan* fè a.N ap vale yo ankè, menm jan ak moun k ap desann nan twou yo.
13 Ann pran tout trezò yo genyen ki gen valè yo.N ap plen kay nou ak sa nou pran yo.
14 Se pou w vin avèk nou*.N ap separe tout sa nou vòlè ren pou ren*.”
15 Pitit mwen, pa suiv yo.Pa met pye w nan chemen yo pase+.
16 Paske se sa ki mal y ap* kouri al fè.Y ap prese pou yo fè san koule+.
17 Vrèmanvre, se pou granmesi yon moun ap tann pèlen pou yon zwazo k ap gade l.
18 Se sa k fè yo maske kò yo pou yo fè san koule.Yo kache kò yo pou yo detwi lavi* lòt moun.
19 Se sa moun k ap chèche jwenn avantaj nan move kondisyon yo fè,E sa ap lakòz moun ki jwenn avantaj sa yo pèdi lavi* yo+.
20 Vrè sajès la+ rele byen fò nan lari+.Li pa sispann leve vwa l sou plas piblik yo+.
21 Li rele nan kwen* lari ki chaje aktivite yo.Devan pòtay vil yo, li di+:
22 “Jis ki lè, nou menm ki pa konn anyen, n ap ret san n pa konn anyen?Jis ki lè, nou menm k ap pase moun nan rizib, n ap sispann pran plezi sou moun?Jis ki lè, nou menm ki sòt, n ap sispann rayi konesans+?
23 Aksepte koreksyon mwen ban nou*+.Lè sa a, m ap vide sa ki nan lespri m ban nou,M ap fè nou konn pawòl mwen+.
24 Mwen te rele, men nou te refize tande m.Mwen te lonje men m, men pèsonn pa t okipe m+,
25 Nou te kontinye meprize tout konsèy mwen bay,E nou pa t aksepte m korije nou,
26 Se sa k fè m ap ri lè malè tonbe sou nou.M ap pase nou nan rizib lè sa nou pè a rive+,
27 Lè sa ki fè n pè a rive tankou yon siklòn,Lè malè rive sou nou tankou yon van tanpètE lè kalamite ak pwoblèm tonbe sou nou.
28 Lè sa a, y ap kontinye rele m, men m pap reponn.Y ap fou ap chèche m, men yo pap jwenn mwen+,
29 Paske yo te rayi konesans+E yo te refize gen lakrentif pou Jewova+.
30 Yo pa t vle koute konsèy mwen,E yo te meprize tout koreksyon mwen t ap ba yo.
31 Se sa k fè, y ap peye* sa yo fè+.Konsèy yo bay yo* ap kole nan gòj yo.
32 Piske moun ki pa gen eksperyans yo fè sa yo vle, se sa k ap touye yo,E moun sòt yo ap peri nan kè pòpòz yo.
33 Men, moun ki koute m yo ap viv ak kè poze+,Y ap viv trankil san yo pa pè okenn malè+.”
Nòt anba paj
^ Lit.: “konnen”.
^ Oswa: “yo konn sa ki kòrèk”.
^ Oswa: “yo pa gen patipri”.
^ Oswa: “ap jwenn konsèy ki gen sajès”.
^ Oswa: “parabòl”.
^ Oswa: “gen gwo respè”.
^ Oswa: “lwa”.
^ Oswa: “Cheyòl”. Se tonm ki la pou moun ki mouri ale. Gade Lis mo yo esplike yo.
^ Oswa: “N ap gen yon sèl sak (bous) pou nou tout”.
^ Oswa: “Se pou w fè youn ansanm ak nou”.
^ Lit.: “pye yo”.
^ Oswa: “nanm”.
^ Oswa: “nanm”.
^ Lit.: “nan tèt”.
^ Oswa: “Retounen lè m korije nou”.
^ Lit.: “y ap manje nan fwi”.
^ Oswa: “Konplo yo fè yo; Plan yo fè yo”.
