Pwovèb 2:1-22
2 Pitit mwen, si w aksepte pawòl mwenEpi w konsève kòmandman m yo tankou yon trezò+,
2 Lè w panche zòrèy ou pou w koute sajès k ap pale+Epi w ouvri kè w pou w aprann gen bon jijman+,
3 Epitou, si w rele byen fò pou w jwenn bon konprann+E w leve vwa w pou w gen bon jijman+,
4 Si w kontinye chèche l tankou ajan+E w kontinye chèche l tankou trezò ki kache+,
5 W ap vin konprann sa lakrentif pou Jewova ye+E w ap vin gen konesans sou Bondye+.
6 Paske se Jewova menm ki bay sajès+,Se nan bouch li pawòl ki fè moun gen konesans ak bon jijman soti,
7 Li sere sajès* tankou yon trezò pou moun ki dwat yo,Li se yon boukliye pou moun ki ret fidèl yo+.
8 Li voye je sou wout moun k ap fè sa ki dwat yoE li veye sou wout moun ki fidèl avè l yo+.
9 Konsa, w ap konprann sa ki jis, sa ki dwat ak sa ki bon,Sa vle di tout sa ki byen+.
10 Lè sajès antre nan kè w+E nanm* ou vin kontan gen konesans+,
11 W ap aprann reflechi e sa ap pwoteje w+,E bon jijman ou vin genyen ap pwoteje w
12 Pou w pa al nan move chemen,Anba men moun k ap pale vye pawòl+,
13 Anba men moun ki kite chemen ki dwat laPou yo mache nan wout fènwa+,
14 Anba men moun ki kontan fè sa ki mal,Ki pran plezi nan vye bagay ki pa kòrèk,
15 Anba men moun ki nan chemen kwochiAk moun ki nan tout sa k pa bon.
16 L ap delivre w anba men fi ki deregle a*,Anba pawòl dous* fi ki imoral la*+,
17 Ki kite bon zanmi l* genyen depi l jèn nan+E ki bliye angajman li gen ak Bondye a.
18 Paske si w al lakay li, ou nan wout lanmò,E chemen lakay li desann kote mò yo ye+.
19 Pa gen yon moun ki nan zanmitay avè* l k ap retounenE yo pap rejwenn wout lavi a ankò+.
20 Se sa k fè, suiv wout bon moun yoE ret nan chemen moun k ap fè sa ki dwat yo+.
21 Paske se sèl moun k ap fè sa ki dwat yo k ap abite sou tè a,E se sèl moun ki san repwòch* yo k ap rete sou li+.
22 Kanta pou mechan yo, y ap detwi yo sou tè a+,E moun ki pa fidèl yo, y ap derasinen yo sou li+.
Nòt anba paj
^ Oswa: “sajès ki bay bon rezilta”.
^ Gade Lis mo yo esplike yo.
^ Lit.: “fi ki dwòl la”. Sanble se yon moun imoral ki pa annafè ak Bondye.
^ Oswa: “bèl pawòl”.
^ Lit.: “fi ki etranje a”. Sanble se yon moun ki imoral ki lwen Bondye.
^ Oswa: “Ki kite mari l”.
^ Lit.: “ki antre al kote”.
^ Oswa: “moun ki ret fidèl”.
