Pwovèb 27:1-27
27 Pa vante tèt ou pou sa w pral fè demen,Paske w pa konn sa chak jou ap pote*+.
2 Kite se yon lòt moun* ki fè lwanj pou ou, men se pa ou menm ki pou fè sa ak bouch ou.Kite yon lòt moun* fè sa, se pa ou ki pou fè sa ak bouch ou+.
3 Yon wòch se yon bagay ki lou, e sab se bagay ki lou.Men, pwoblèm moun sòt la bay pi lou pase toule de+.
4 Gen kòlè ki fè moun aji san pitye e gen kòlè ki fè moun fè ravaj.Men, ki moun ki ka kanpe devan yon moun k ap fè jalouzi+?
5 Li pi bon pou w korije yon moun devan lòt moun pase pou w renmen yon moun e w pa montre l sa+.
6 Yon zanmi ki fidèl ap korije w menm lè sa pa fè w plezi+,Men, ènmi w lan ap plen w ak bo*.
7 Lè vant yon moun plen, li refize bwè siwo ki sot nan gato myèl,Men, moun* ki grangou a, menm bagay ki anmè dous nan bouch li.
8 Yon moun ki kite kay liSanble ak yon zwazo ki kite* nich li.
9 Luil ak lansan bay kè kontanMenm jan ak yon bon zanmi+ ki bay konsèy ki sensè*.
10 Pinga w bliye zanmi w oswa zanmi papa w,E pinga w al lakay frè w lè w nan malè.Yon vwazen ki toupre pi bon pase yon frè ki byen lwen+.
11 Pitit mwen, montre w saj e fè kè m kontan+,Pou m ka reponn moun k ap pwovoke m nan+.
12 Moun ki gen lespri a wè danje a, li kache+,Men, moun ki pa gen eksperyans lan kontinye ale tou dwat e li peye sa.
13 Pran rad yon moun si l te bay garanti l ap responsab dèt yon etranje.Pran yon garanti nan men l si se pou yon fi deregle* li te fè sa+.
14 Lè yon moun ap pale byen fò pou l bay yon moun benediksyon granmmaten,Se tankou se malediksyon l ap lage sou moun nan.
15 Yon madanm ki toujou sou kont* tankou yon do kay ki gen yon goutyè k ap degoute san rete lè lapli fè jounen ap tonbe+.
16 Moun ki ka fè madanm sa a sispann ka bloke van,E li ka kenbe luil nan men dwat li.
17 Menm jan fè file fè,Se konsa tou yon moun ka ede yon zanmi l vin pi bon*+.
18 Moun ki pran swen yon pye fig frans ap manje fwi l donnen+,E y ap onore+ yon sèvitè ki pran swen mèt li.
19 Menm jan yon moun ka wè figi l nan dlo,Se konsa tou ou ka wè tèt ou lè w gade yon lòt moun.
20 Tonm ak kote mò yo tounen pousyè a* pa janm satisfè+,Se konsa tou, je moun pa janm sispann gade.
21 Gen veso ki fèt pou fonn ajan e gen fou ki fèt pou fonn lò+,Konsa tou, se konpliman yo fè yon moun ki fè wè kiyès li ye*.
22 Menmsi w ta pile yon moun sòt ak yon manch pilonMenm jan yo pile manje angren nan pilon,Bagay moun sòt li yo pap sot nan li.
23 Ou bezwen byen konnen jan twoupo bèt ou yo ye.Pran swen* mouton w yo+,
24 Paske richès pap la pou toutan+,E desandan w yo pap dirije kòm wa pou toutan.
25 Zèb vèt disparèt, lòt zèb pouse,E yo ranmase zèb ak fèy ki nan mòn yo.
26 Se mal mouton yo ki fè w gen rad pou w met sou ou,E se bouk kabrit yo ki fè w ka peye yon tè.
27 Ap gen ase lèt kabrit ni pou ou,Ni pou moun lakay ou, ni pou sèvant ou yo bwè.
Nòt anba paj
^ Lit.: “ap akouche”.
^ Lit.: “yon etranje”.
^ Lit.: “yon etranje”.
^ Se kapab tou: “ap ba w bo ki pa sensè; ap ba w bo ki fòse”.
^ Oswa: “nanm”.
^ Oswa: “ki kouri kite”.
^ Oswa: “konsèy ki sot nan nanm li”.
^ Oswa: “yon etranje”.
^ Oswa: “ki toujou ap tingting mari l”.
^ Lit.: “ka fè figi zanmi l file”.
^ Oswa: “Cheyòl ak Abadon”.
^ Oswa “Se konsa tou, yon moun sanble ak lwanj li resevwa”.
^ Oswa: “Fikse kè w sou; Voye je sou”.
