Sòm 136​:​1-26

  • Lanmou fidèl Jewova genyen an ap la pou toutan

    • Syèl la ak tè a byen fèt (5, 6)

    • Farawon mouri nan Lanmè Wouj (15)

    • Bondye sonje moun ki tris yo (23)

    • Li bay tout sa k ap viv manje (25)

136  Di Jewova mèsi paske li bon+.Lanmou fidèl li genyen an ap la pou toutan+.  2  Di Dye ki anlè tout lòt dye yo mèsi+,Paske lanmou fidèl li genyen an ap la pou toutan.  3  Di Seyè ki sou tèt tout lòt seyè yo mèsi,Paske lanmou fidèl li genyen an ap la pou toutan.  4  Se li menm sèl ki fè yon seri bagay estrawòdinè+,Paske lanmou fidèl li genyen an ap la pou toutan+.  5  Li te byen fè syèl la*+,Paske lanmou fidèl li genyen an ap la pou toutan.  6  Li ouvri tè a sou dlo yo+,Paske lanmou fidèl li genyen an ap la pou toutan.  7  Li fè gwo limyè yo+,Paske lanmou fidèl li genyen an ap la pou toutan.  8  Li fè solèy la pou l klere lajounen+,Paske lanmou fidèl li genyen an ap la pou toutan.  9  Li fè lalin nan ak zetwal yo pou yo klere lannuit+,Paske lanmou fidèl li genyen an ap la pou toutan. 10  Li te touye tout premye pitit peyi Ejip yo+,Paske lanmou fidèl li genyen an ap la pou toutan. 11  Li te fè Izrayelit yo soti nan mitan yo+,Paske lanmou fidèl li genyen an ap la pou toutan. 12  Li te fè yo soti ak fòs ponyèt li+,Paske lanmou fidèl li genyen an ap la pou toutan. 13  Li te fann Lanmè Wouj an de+,Paske lanmou fidèl li genyen an ap la pou toutan. 14  Li te fè Izrayelit yo pase nan mitan lanmè a+,Paske lanmou fidèl li genyen an ap la pou toutan. 15  Li te lage Farawon ak lame l la nan Lanmè Wouj+,Paske lanmou fidèl li genyen an ap la pou toutan. 16  Li te gide pèp li a nan dezè a+,Paske lanmou fidèl li genyen an ap la pou toutan. 17  Li te frape yon seri wa ki gen anpil pouvwa+,Paske lanmou fidèl li genyen an ap la pou toutan. 18  Li te touye yon seri wa ki pisan,Paske lanmou fidèl li genyen an ap la pou toutan. 19  Li te touye Siyon+, wa Amorit yo,Paske lanmou fidèl li genyen an ap la pou toutan. 20  Li te touye Òg+, wa Bazan an,Paske lanmou fidèl li genyen an ap la pou toutan. 21  Li bay pèp li a peyi yo te genyen yo kòm eritaj+,Paske lanmou fidèl li genyen an ap la pou toutan. 22  Li bay Izrayèl, sèvitè l la, peyi sa yo kòm eritaj,Paske lanmou fidèl li genyen an ap la pou toutan. 23  Li te sonje nou lè yo te imilye nou+,Paske lanmou fidèl li genyen an ap la pou toutan+. 24  Li pa t sispann sove nou anba men advèsè nou yo+,Paske lanmou fidèl li genyen an ap la pou toutan. 25  Li bay tout sa k vivan* manje pou yo manje+,Paske lanmou fidèl li genyen an ap la pou toutan. 26  Se pou nou di Bondye k ap dirije nan syèl la mèsi,Paske lanmou fidèl li genyen an ap la pou toutan.

Nòt anba paj

^ Oswa: “Li te fè syèl la avèk bon konprann”.
^ Lit.: “tout chè”.
LABIB — TRADIKSYON MONN NOUVO A
Sòm 136
Kreyòl ayisyen
Li Labib sou Entènèt
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt p. 40