Sòm 144:1-15
Yon chante David te ekri.
144 Louwanj pou Jewova, Mas Wòch+ mwen an,Li menm ki antrene men m pou m batayE ki antrene dwèt mwen pou m fè lagè+.
2 Li se Sila a ki demontre yon lanmou ki fidèl pou mwen. Li se fòtrès mwen,Li se refij* kote m ka jwenn sekirite, li se sovè m,Li se boukliye m e se nan li mwen pran refij+.Se li ki fè pèp yo soumèt devan m+.
3 O Jewova, ki sa lòm ye pou w wè l?Ki sa lòm ye pou w pran ka l konsa+?
4 Lòm tankou yon vapè+,Lavi l tankou yon lonbray+ k ap disparèt.
5 O Jewova, fè syèl la bese* epi desann+.Touche mòn yo epi fè yo bay lafimen+.
6 Fè kout zèklè pati epi gaye ènmi an+.Tire flèch ou yo epi lage yo nan konfizyon+.
7 Lonje men w detan w anlè a,Delivre m, sove m nan dlo k ap monte yo,Sove m anba men etranje yo+
8 K ap bay manti ak bouch yoE ki leve men dwat yo pou yo fè sèman alòske se manti y ap bay*.
9 O Bondye, m ap chante yon nouvo chante+ pou ou.M ap chante louwanj* pou ou pandan m ap jwe yon enstriman akòd ki gen dis kòd.
10 M ap chante pou Sila a ki fè wa yo pote laviktwa a*+,Pou Sila a k ap sove David, sèvitè l la, pou yo pa touye l ak kout epe+.
11 Delivre m, sove m anba men etranje yoK ap bay manti ak bouch yoE ki leve men dwat yo pou yo fè sèman alòske se manti y ap bay.
12 Lè sa a, pitit gason nou yo ap tankou ti plant ki grandi vit,Pitit fi nou yo ap tankou poto kwen yo fè pou yon palè.
13 Depo nou yo ap chaje ak tout kalite pwodui.Kantite bèt nou gen nan twoupo ki nan savann nou yo ap vin 1 000 ak 10 000 fwa pi plis.
14 Malè pap rive okenn bèf nou genyen ki plenn, e yo pap fè foskouch.Pap gen okenn rèl sou plas piblik nou yo.
15 Byennere pèp se konsa sa ye pou li!Byennere pèp ki gen Jewova kòm Bondye l la+.
Nòt anba paj
^ Oswa: “se yon kote ki wo”.
^ Oswa: “panche syèl la”.
^ Lit.: “E men dwat yo se yon men dwat manti”.
^ Oswa: “M ap fè mizik”.
^ Oswa: “ki sove wa yo”.
