Sòm 145:1-21
Yon chante louwanj David te ekri.
א [Alèf]
145 M ap ba w glwa, o Bondye m nan, Wa mwen+,M ap louwe non w pou tout tan gen tan+.
ב [Bèt]
2 Se tout lajounen m ap fè louwanj pou ou+.M ap louwe non w pou tout tan gen tan+.
ג [Gimèl]
3 Jewova gran e li merite pou yo fè louwanj pou li+.Pèsonn pa ka konnen nan ki pwen li gran+.
ד [Dalèt]
4 Yon jenerasyon apre yon lòt ap fè elòj pou sa w fè,Yo va rakonte gwo aksyon w fè yo+,
ה [He]
5 Yo va pale de glwa w ak pouvwa w ki estrawòdinè+.Mwen menm, m ap medite sou gwo aksyon w fè yo.
ו [Waw]
6 Yo va pale de aksyon w fè* ki fè moun gen respè pou ou.Bò kote pa m, m ap fè konnen jan w estrawòdinè.
ז [Zayin]
7 Yo va pale de ou lè yo sonje nan ki pwen ou bon+,Yo va rele byen fò ak kè kontan akoz ou jis+.
ח [Hèt]
8 Jewova gen konpasyon* ak mizèrikòd+.Li pa fè kòlè fasil, li gen anpil lanmou ki fidèl+.
ט [Tèt]
9 Jewova bon ak tout moun+,Mizèrikòd li parèt nan tout sa l fè.
י [Yòd]
10 Tout sa w fè ap ba w glwa, o Jewova+,E moun ki fidèl avè w yo ap fè louwanj pou ou+.
כ [Kaf]
11 Y ap pwoklame glwa wayòm ou an genyen+,Y ap pale konsènan pisans ou+,
ל [Lamèd]
12 Y ap fè konnen gwo aksyon w fè yo+Ak jan wayòm ou an gen glwa+.
מ [Mèm]
13 Wayòm ou an se yon Wayòm ki la pou toutan,W ap kontinye dirije jenerasyon apre jenerasyon+.
ס [Samèk]
14 Jewova ede tout moun ki prèt pou tonbe+E li leve tout moun ki koube byen ba+.
ע [Ayin]
15 Se ou menm tout moun ap gade avèk espwa.Ou ba yo manje nan bon moman+.
פ [Pe]
16 Ou ouvri men wE w bay tout sa k vivan sa yo bezwen+.
צ [Tsade]
17 Jewova toujou fè sa ki jis+E li fidèl nan tout sa l fè+.
ק [Kòf]
18 Jewova toupre tout moun ki rele l+,Li toupre tout moun ki rele l avèk senserite+.
ר [Rèch]
19 Li bay moun ki gen lakrentif pou li yo sa yo vle+,Li tande lè y ap rele l pou yo mande l èd e li sove yo+.
ש [Chin]
20 Jewova pwoteje tout moun ki renmen l+,Men l ap detwi tout mechan yo+.
ת [Taw]
21 M ap fè louwanj pou Jewova ak bouch mwen+.Se pou tout kreyati vivan* louwe non l ki sen pou tout tan gen tan+.
