Sòm 149:1-9
149 Louwe Ja*!Chante yon nouvo chante pou Jewova+,Louwe l nan mitan moun fidèl ki rasanble yo+.
2 Se pou Izrayèl rejwi poutèt Gran Dye+ ki fè l la.Se pou pitit Siyon yo gen kè kontan poutèt Wa yo a.
3 Se pou yo danse+ pou yo louwe non l,E se pou yo chante louwanj* pou li pandan y ap bat tanbouren e y ap jwe hap*+.
4 Paske, Jewova pran plezi nan pèp li a+,Li fè moun ki gen imilite yo jwenn glwa lè l sove yo+.
5 Se pou moun ki fidèl yo rele ak kè kontan poutèt glwa li fè yo jwenn nan.Se pou yo rele byen fò ak kè kontan sou kabann yo+.
6 Se pou yo chante louwanj pou Bondye ak bouch yo,Se pou yo gen yon epe ki file de bò nan men yo
7 Pou yo tire revanj sou nasyon yo,Pou yo pini pèp yo,
8 Pou yo mete wa pèp sa yo nan chennAnsanm ak gwo potanta yo,
9 Pou yo egzekite jijman ki ekri kont yo a+.Se konsa Bondye ap onore tout moun ki fidèl ak li yo.Louwe Ja*!
Nòt anba paj
^ Oswa: “Alelouya”. “Ya” oswa “Ja” se non Jewova yon fason ki kout.
^ Oswa: “pou yo fè mizik”.
^ Gade Lis mo yo esplike yo.
^ Oswa: “Alelouya”. “Ya” oswa “Ja” se non Jewova yon fason ki kout.
