Sòm 3:1-8
Yon chante David te ekri lè l t ap kouri pou Absalon, pitit gason l+.
3 O Jewova, poukisa advèsè m yo vin anpil konsa a+?Poukisa tout moun sa yo leve kont mwen+?
2 Yon pakèt moun ap pale sou mwen*, y ap di:“Bondye pap sove l+.” (Sela*)
3 Men, ou menm, o Jewova, ou se boukliye ki pwoteje m+,Ou se glwa m+, Sila a ki leve tèt mwen an+.
4 M ap rele Jewova byen fò,E l ap reponn mwen detan l sou mòn li an ki sakre+. (Sela)
5 M ap kouche, m ap dòmi,E m ap leve sennesòf,Paske Jewova kontinye ede m+.
6 Mwen pa pè plizyè milye mounKi antoure m e ki kont mwen yo+.
7 O Jewova, leve kanpe! Sove m+, o Bondye m nan!Paske, w ap frape tout ènmi m yo nan machwè,W ap kase dan mechan yo+.
8 Se Jewova ki bay delivrans+.Ou beni pèp ou a. (Sela)
