Sòm 40:1-17
Pou moun k ap dirije mizisyen yo. Yon chante David te ekri.
40 Mwen te met tout espwa m nan* Jewova.Li te panche zòrèy li* pou l koute m e li te tande m k ap rele l pou m mande l sekou+.
2 Li te fè m soti nan yon twou ki gen gwo bri,Nan yon labou ki glise,E li mete de pye m sou yon mas wòch.Li fè m mache yon kote ki fèm.
3 Lè sa a li te fè m chante yon chante tounèf+.Louwanj pou Bondye nou an.Anpil moun gen pou yo gade Jewova avèk anpil respèE yo gen pou yo met konfyans yo nan li.
4 Byennere moun ki met konfyans li nan JewovaE ki pa chèche èd nan men moun ki dezobeyisan oswa nan men moun ki gen twou nan manch*.
5 Ou fè anpil bagay,O Jewova, Bondye m nan.Ou fè bèl aksyon pou nou e w gen bèl objektif pou nou+.Pa gen tankou w+.Si m ta eseye rakonte yo, si m ta eseye pale de yo,Mwen pa t ap kapab, tèlman yo anpil+!
6 Se pa sakrifis ak ofrann ou te vle*+.Men, ou ouvri zòrèy mwen pou m tande+.Ou pa t mande sakrifis yo boule nèt ak sakrifis pou peche+.
7 Apre sa, mwen di: “Gade! Mwen vini.Se sa ki ekri nan woulo a* konsènan mwen+.
8 O Bondye m nan, mwen pran plezi pou m* fè volonte w+.Lwa w yo nan fon kè m+.
9 Mwen fè konnen jistis ou nan mitan gwo foul moun ki rasanble yo+.Gade! Mwen pa fèmen bouch mwen+.O Jewova, ou konn sa trè byen.
10 Mwen pa kache jistis ou nan kè m,Mwen fè konnen jan w fidèl e jan w bay delivrans.Nan mitan gwo foul moun ki rasanble yo, mwen fè konnen ou gen yon lanmou ki fidèl e w toujou di laverite+.”
11 O Jewova, pa sispann fè m mizèrikòd.Se pou w toujou pwoteje m akoz lanmou w* ak fidelite w+.
12 Paske, kalamite ki tonbe sou mwen yo twòp pou m konte+.Erè m yo tèlman anpil, mwen pa wè ki kote pou m fè+.Yo plis pase cheve ki nan tèt mwenE m pèdi espwa.
13 O Jewova, se pou w dispoze sove m+.O Jewova, fè vit vin ede m+.
14 Se pou tout moun k ap chèche touye m* yoWont e se pou yo tonbe nan dezonè.Se pou moun ki kontan akoz malè ki rive m nanFè bak poutèt imilyasyon yo jwenn nan.
15 Se pou moun k ap pase m nan rizib yoSezi lè lawont tonbe sou yo.
16 Se pou moun k ap chèche w yo+Kontan anpil e se pou yo rejwi pou sa w fè pou yo+,Se pou moun ki renmen sa w fè pou w delivre yo toujou di:“Glwa pou Jewova+.”
17 Mwen pa gen moun pou ede m e mwen pòv.Se pou Jewova pran ka m.Se ou menm k ap ede m, se ou menm k ap sove m+.Bondye m nan, pa mize+.
Nòt anba paj
^ Oswa: “Avèk pasyans, mwen te tann”.
^ Oswa: “te bese”.
^ Oswa: “moun k ap bay manti”.
^ Oswa: “Se pa sakrifis ak ofrann ki te fè w plezi”.
^ Lit.: “woulo liv la”.
^ Oswa: “mwen vle”.
^ Oswa: “akoz lanmou fidèl ou genyen an”.
^ Oswa: “chèche pran nanm mwen”.
