Sòm 8:1-9
Pou moun k ap dirije mizisyen yo. Pou yo jwe sou gitit*. Yon chante David te ekri.
8 O Jewova, Seyè nou an, se pa ti glwa non w genyen sou tout tè a!Ou fè glwa w pi estrawòdinè pase menm syèl la*+!
2 Ou sèvi ak pawòl ki sot nan bouch timoun piti ak tibebe+Pou w montre advèsè w yo fòs ou,Pou w fèmen bouch ènmi an ak moun k ap tire revanj lan.
3 Lè m wè syèl ou a, bagay ou fè ak men w* yo,Lalin nan ak zetwal ou fè yo+, mwen di tèt mwen:
4 Ki sa lòm ye pou w ap sonje l,E ki sa pitit lòm ye pou w ap pran swen l+?
5 Ou fè l vin yon tikras pi ba pase zanj yo*,E ou ba l glwa ak onè kòm kouwòn.
6 Ou ba l pouvwa sou bagay ou fè ak men w yo+.Ou mete tout bagay anba pye l:
7 Tout mouton ak kabrit, tout bèfAnsanm ak bèt sovaj yo*+,
8 Zwazo ki nan syèl la ak pwason ki nan lanmè,Ak kèlkeswa sa k ap naje nan lanmè.
9 O Jewova, Seyè nou an, se pa ti glwa non w genyen sou tout tè a!
Nòt anba paj
^ Gade Lis mo yo esplike yo.
^ Se kapab tou: “Ou menm, yo fè konnen glwa w anlè syèl la”.
^ Lit.: “ak dwèt ou”.
^ Oswa: “pase sila yo ki sanble ak Bondye”.
^ Lit.: “bèt ki nan bwa yo”.
