Sòm 96:1-13
96 Chante yon nouvo chante pou Jewova+.Se pou tout tè a chante pou Jewova+!
2 Chante pou Jewova, fè louwanj pou non l.Chak jou, se pou nou fè konnen bon nouvèl delivrans li bay la+.
3 Fè nasyon yo konnen glwa li genyen,Fè tout pèp yo konnen bagay estrawòdinè li fè yo+.
4 Paske, Jewova gran e li vrèman merite pou moun fè louwanj pou li.Li merite pou moun gen lakrentif pou li plis pase tout lòt dye yo.
5 Tout dye lòt pèp yo ap sèvi yo se dye ki san valè+.Men, Jewova se Sila a ki fè syèl la+.
6 Kote l ye a gen glwa* ak mèvèy+,Nan kote ki apa pou li a gen fòs ak bèl bagay+.
7 Onore Jewova, nou menm fanmi ki nan pèp yo,Onore Jewova pou glwa li ak fòs li+.
8 Onore Jewova pou glwa non l merite+.Pote yon kado pou li epi antre nan lakou l yo.
9 Bese byen ba devan* Jewova ak bèl rad ki sakre*,Se pou tout tè a tranble devan l.
10 Fè nasyon yo konnen: “Jewova vin Wa+!Tè a* byen chita kote l ye a, anyen pa ka brannen l*.Bondye gen pou l jije* nasyon yo avèk jistis+.”
11 Se pou syèl la rejwi e se pou tè a nan lajwa.Se pou lanmè a ak tout sa k ladan l fè anpil bri tèlman yo kontan+.
12 Se pou savann yo ak tout sa ki ladan yo rejwi+.Anmenmtan, se pou tout pyebwa ki nan forè yo rele byen fò ak kè kontan+
13 Devan Jewova, paske l ap vini*.L ap vini pou l jije tè a.Li gen pou l jije tè a* avèk jistis+E li gen pou l jije pèp yo avèk fidelite+.
Nòt anba paj
^ Oswa: “diyite”.
^ Se kapab tou: “paske li sen anpil”.
^ Oswa: “Adore”.
^ Oswa: “Tè ki bay rannman an”.
^ Oswa: “pa ka fè l kilbite”.
^ Oswa: “pou l plede kòz”.
^ Oswa: “li vini”.
^ Oswa: “tè ki bay rannman an”.
