Abakouk 1:1-17
1 Mwen menm, pwofèt Abakouk*, mwen te resevwa yon mesaj nan yon vizyon. Mwen te di:
2 O Jewova, konbyen tan pou m fè ap rele w pou m mande w sekou anvan w tande m+?Konbyen tan pou m fè ap mande w sekou akoz vyolans ki genyen anvan w fè yon bagay*+?
3 Poukisa w kite m wè move bagay k ap fèt?E poukisa w tolere moun k ap toupizi lòt moun?Poukisa gen zak kraze brize ak zak vyolans devan je m?E poukisa gen anpil diskisyon ak hinghang?
4 Konsa, lalwa pa itil anyen ankò,E pèsonn pa janm jwenn jistis.Mechan yo antoure moun ki jis yo,Se sa k fè pa gen jistis ankò+.
5 “Gade nasyon yo, gade yo byen!Gade yo ak bouch ouvè, tou sezi.Paske, gen yon bagay k ap rive pandan nou vivan an,Yon bagay nou pap kwè menmsi yo rakonte nou li+.
6 M ap fè moun Kalde yo leve kont nou+.Se yon nasyon ki fewòs e ki san pitye.Yo anvayi kote ki gen anpil espas sou tè aPou yo sezi kay ki pa pou yo+.
7 Se yon nasyon ki fè moun pè.Yo tabli pwòp lwa yo ak otorite* yo+.
8 Cheval yo genyen yo pi rapid pase leyopa.Yo pi move pase lou k ap mache nan nuit+.Cheval yo genyen yo pa sispann galope.Cheval yo soti byen lwen.Yo fonse tankou èg k ap plonje desann pou y al manje+.
9 Yo tout vini nan entansyon pou yo fè vyolans+.Lè y ap avanse ansanm, yo tankou yon tanpèt ki sot nan direksyon lès+.Yo ranmase prizonye tankou se te sab yo t ap ranmase.
10 Yo pase wa nan rizib,E yo ri gwo potanta yo+.Yo ri tout fòtrès yo+,Yo fè ranp ak tè epi yo pran yo.
11 Apre sa, yo avanse tankou van e yo travèse peyi a.Men y ap vin koupab+,Paske, dapre yo menm, se dye yo a ki ba yo pouvwa yo genyen an*+.”
12 O Jewova, èske w pa la depi toutan+?O Bondye m nan, Sila a ki sen an, ou pa ka mouri*+.O Jewova, ou chwazi yo pou yo egzekite jijman w.Mas Wòch mwen+, ou chwazi yo pou yo ban nou pinisyon*+.
13 Ou pa ka wè sa ki mal devan je wE w pa ka tolere mechanste+.Men, kòman w fè tolere trèt yo+?E poukisa w ret an silans lè yon mechan fini avèk yon moun ki pi jis pase l+?
14 Poukisa w fè lòm vin tankou pwason nan lanmè,Tankou bèt ki rale sou vant ki pa gen chèf pou dirije yo?
15 Li* rale yo tout monte avèk yon zen.Li pran yo nan nas li,Wi, li rasanble yo nan filè pou l fè lapèch la.Se poutèt sa li kontan anpil+.
16 Se poutèt sa li ofri nas li a sakrifis,E li fè sakrifis* pou filè li genyen pou l fè lapèch la.Grasa yo, pòsyon pa l la bon*,E li gen bon kalite manje pou l manje.
17 Èske l ap kontinye plen filè l e l ap kontinye retire sa l pran yo ladan l?*Èske l ap kontinye touye nasyon yo san pitye+?
Nòt anba paj
^ Petèt, non sa a vle di: “Gwo akolad”.
^ Oswa: “anvan w bay delivrans”.
^ Oswa: “diyite”.
^ Se kapab tou: “se fòs yo genyen an ki dye yo”.
^ Se kapab tou: “nou pap mouri”.
^ Oswa: “pou yo korije nou”.
^ Anpalan de ènmi yo a, moun Kalde yo.
^ Oswa: “fè boule lansan”.
^ Lit.: “pòsyon pa l la gen bonjan luil”.
^ Se kapab tou: “Èske l ap kontinye rale epe l?”
