Abakouk 2:1-20
2 M ap ret kanpe nan pòs mwen+.M ap kanpe sou mi an.M ap kontinye veye pou m wè ki mesaj l ap ban m bay pou li,E m ap kontinye reflechi sou sa m pral di lè l repwoche m.
2 Annapre, Jewova di m:“Ekri sa w wè nan vizyon an, ekri l sou wòch plat* yon fason ki klè+.Konsa, moun k ap li l byen fò a ap kapab fè sa byen fasil+.
3 Vizyon an ap reyalize nan lè ki fikse pou sa a.Lè sa a ap rive byen vit, e vizyon an se pa yon manti.Menmsi l ta fè reta*, kontinye tann li+!Paske, l ap reyalize kanmenm.Li pap anreta!
4 Gade moun ki gen ògèy la*.Se pa yon moun ki dwat nan kè l.Men, moun ki jis la ap kontinye viv, paske li fidèl*+.
5 Anfèt, piske diven trèt,Moun ki awogan an pap rive fè sa l gen nan lide l pou l fè a,Moun sa a gen anpil apeti menm jan* ak Tonm nan*.Li tankou lanmò, li pa janm satisfè.Li kontinye ap rasanble tout nasyon yo.Li kontinye ap rasanble tout pèp yo+.
6 Èske tout moun sa yo pap site yon pwovèb pou yo pale de li, èske yo pap bay yon devinèt sou li+?Yo gen pou yo di:‘Malè pou moun k ap rasanble sa ki pa pou liE ki kontinye ap anpile dèt sou tèt li!Pandan konbyen tan l ap kontinye fè sa?
7 Èske moun ou dwe yo pap leve kont ou sanzatann?Y ap leve, y ap sakaje w,E y ap pran tout sa w genyen+.
8 Kòm ou te dechèpiye yon pakèt nasyon,Ou te fè san koule,Ou te fè vyolans sou tè a,Ni nan vil yo ni sou moun ki t ap viv ladan yo+,Tout rès pèp yo ap dechèpiye w+.
9 Malè pou moun ki chèche jwenn avantaj pou desandan l yo nan move kondisyon,Yon fason pou l mete nich li byen woPou malè pa frape l.
10 Konplo w fè yo fè lawont tonbe sou desandan w yo.Ou te peche kont tèt* ou lè w te elimine yon pakèt pèp+.
11 Yon wòch gen pou l rele nan miray la,E yon bwa chapant ki nan fetay kay la ap reponn li.
12 Malè pou moun ki bati yon vil nan fè san koule,Ki bati yon ti vil nan fè sa k pa bon!
13 Gade! Èske se pa Jewova, Chèf lame yo, ki fè pèp yo travay di pou bagay ki pral boule nan dife,E ki fè tout nasyon yo fatige kò yo pou granmesi+?
14 Paske, tè a pral plen konesans sou glwa JewovaMenm jan lanmè a plen dlo+.
15 Malè pou moun ki an kòlè, ki fache anpil,E ki bay zanmi l bwè pou yo ka sou,E pou l ka wè yo toutouni.
16 Olye nou jwenn glwa, n ap wont anpil.Nou menm tou, n ap bwè nan koup la e moun ap wè nou pa sikonsi*.Koup diven ki nan men dwat Jewova a ap rive jwenn nou kanmenm+.N ap pèdi glwa nou te genyen an e se lawont k ap tonbe sou nou.
17 Jan nou te sakaje peyi Liban an, se konsa tou, y ap sakaje nou.Menm jan nou te fè bèt yo pè anpil e nou te detwi yo, se konsa tou, y ap fè nou pè e y ap detwi nou.Paske, nou te fè san anpil moun koule,E nou te fè anpil vyolans sou tè a,Ni nan vil yo, ni sou moun ki t ap viv ladan yo+.
18 Lè yon moun fè yon zidòl,Ki sa zidòl sa a itil?Ki sa yon estati ki fèt an metal* itil e ki sa yon anseyan k ap bay manti itil?Ki jan yon moun ki fè dye san valè sa yo ka met konfyans li nan yo?Menm pale yo pa ka pale+.
19 Malè pou moun k ap di yon moso bwa: “Reveye w!”Oswa k ap di yon wòch ki pa ka pale: “Leve pou w anseye nou!”Yo kouvri l ak lò ak ajan+,E li pa menm gen yon ti souf lavi nan li+.
20 Men, Jewova nan tanp li an ki sen+.Se pou tout tè a ret an silans devan l+!’”
Nòt anba paj
^ Oswa: “sou moso planch”.
^ Oswa: “ta sanble anreta”.
^ Oswa: “Gade, nanm li anfle”.
^ Se kapab tou: “paske li gen lafwa; paske li kwè”.
^ Oswa: “Moun sa a fè nanm li menm lajè”.
^ Oswa: “Cheyòl”. Se tonm ki la pou moun ki mouri ale. Gade Lis mo yo esplike yo.
^ Oswa: “kont nanm”.
^ Se kapab tou: “e n ap mache toutpandan n ap balanse de bò”.
^ Oswa: “estati ki fèt ak metal yo fonn”.
