Abakouk 3:1-19
3 Priyè pwofèt Abakouk te fè a, ki sanble ak yon chante ki tris*:
2 O Jewova, mwen tande sa yo di de ou.O Jewova, aksyon w te fè yo fè m sezi.Lè lè a rive*, se pou w fè aksyon sa yo ankò.Wi, lè lè a rive*, fè moun konnen yo.Pa bliye montre w gen mizèrikòd jou w ap an kòlè a+.
3 Bondye te soti Teman,Bondye ki sen an te soti nan Mòn Paran+. (Sela*)Glwa li te kouvri syèl la+.Tout tè a te fè lwanj pou li.
4 Li te klere anpil tankou limyè solèy la+.Gen de reyon ki te flache sot nan men l,Kote fòs li te kache a.
5 Maladi t ap mache devan l+,E te gen yon lafyèv cho ki t ap suiv li.
6 Li te kanpe e li te souke tè a+.Li annik gade nasyon yo, yo pran tranble+.Li te kraze mòn ki la pou toutan yo,E ti mòn ki la depi lontan yo te bese byen ba devan l+.Se konsa l te aji nan tan lontan.
7 Mwen te wè pwoblèm anndan tant moun peyi Kouchan yo.Twal tant ki nan peyi Madyan yo te pran tranble+.
8 O Jewova, èske se kont rivyè yo ou fache anpil konsa?Èske se kont rivyè yo?Oubyen, èske se kont lanmè a ou an kòlè+,Lè w te monte sou cheval ou yo+?Charyo w yo te pote laviktwa*+.
9 Ou rale banza* w met deyò e w pare l.Baton* yo pare pou yo fè travay yo akoz yon sèman*. (Sela)Ou fè rivyè fann tè a.
10 Mòn yo te tòde anba doulè lè yo te wè w+.Yon gwo lapli te tonbe e dlo inondasyon te pase.Dlo te pete soti anba tè+,E yo te monte byen wo.
11 Solèy la ak lalin nan te rete anplas kote yo abite ki byen wo a+.Flèch ou yo te pati tankou se te kout zèklè+.Lans ou yo te byen klere tankou zèklè.
12 Ou te mache sou tè a byen fache.Ou te pilonnen nasyon yo* pandan w te an kòlè.
13 Ou te soti pou w kapab sove pèp ou a, pou w te ka sove sila ou chwazi a.Ou te kraze sila a ki chèf* nan kay moun ki mechan an.Ou te kraze kay li a rive jis nan fondasyon. (Sela)
14 Ou te pèse tèt sòlda l yo avèk pwòp zam* li yoLè yo t ap vini tankou yon van tanpèt pou yo gaye m.Se pa ti kontan yo te kontan devore moun k ap soufri a an kachèt.
15 Ou te antre nan mitan lanmè a ak cheval ou yo,Wi, nan mitan gwo dlo ki t ap monte yo.
16 Mwen te tande sa e vant mwen te pran bouyi.Lè m te tande nouvèl la, po bouch mwen te pran tranble,Tout zo nan kò m te pran fè m mal+,E janm mwen te pran tranble.Men, mwen te ret tou dousman ap tann jou malè k ap tonbe sou yo a+,Paske jou sa a ap rive sou moun ki atake nou yo.
17 Menmsi pye fig frans lan pa ta fleri,Menmsi pye rezen yo pa ta bay rezen,Menmsi pye oliv yo pa ta donnen,Menmsi jaden yo pa ta bay okenn manje,Menmsi pa ta gen mouton ankò nan pak yo,E menmsi pa ta gen bèf nan pak yo,
18 Mwen menm, m ap toujou kontan poutèt Jewova,M ap toujou kontan poutèt Bondye delivrans mwen an+.
19 Jewova, Seyè ki Souvren an, se fòs mwen+,L ap fè pye m vin tankou pye yon sèf*,L ap fè m mache kote ki wo+.
Nòt anba paj
^ Oswa: “chante moun chante lè gen lanmò”.
^ Se kapab tou: “Nan epòk pa nou an”.
^ Se kapab tou: “Wi, nan epòk pa nou an”.
^ Gade Lis mo yo esplike yo.
^ Oswa: “delivrans”.
^ Gade Lis mo yo esplike yo.
^ Se kapab tou: “Flèch”.
^ Se kapab tou: “pare pou yo fè konnen sèman tribi yo fè yo”.
^ Oswa: “Ou te bat nasyon yo tankou manje angren”.
^ Lit.: “tèt”.
^ Lit.: “baton”.
^ Se yon bèt ki sanble ak kabrit. Men, kòn li yo gen plizyè branch.
