Chante Salomon an 1:1-17
-
Pi bèl chante ki genyen an (1)
-
Jèn fi a (2-7)
-
Pitit fi Jerizalèm yo (8)
-
Wa a (9-11)
-
“N ap fè bijou annò pou ou” (11)
-
-
Jèn fi a (12-14)
-
‘Moun mwen renmen anpil la tankou yon ti sak ki gen lami santi bon’ (13)
-
-
Bèje a (15)
-
“Se pa ti bèl ou bèl ti cheri m nan”
-
-
Jèn fi a (16, 17)
-
“Se pa ti bèl ou bèl cheri m nan” (16)
-
1 Pi bèl chante ki genyen an, yon chante Salomon te ekri+:
2 “Se pou w bo m, se pou w bo m anpil.Paske, fason w montre w renmen m pi bon pase diven+.
3 Luil ou mete sou ou yo santi bon+.Non w tankou yon luil santi bon y ap vide+.Se sa k fè jèn medam yo renmen w.
4 Pran m ansanm avè w*, annou kouri ale,Paske, wa a fè m antre anndan chanm lakay li.Se pou nou rejwi, se pou nou gen kè kontan ansanm.Ann fè lwanj pou* fason w montre ou renmen m yo ki pi bon pase diven.Yo* gen rezon pou yo renmen w.
5 O nou menm pitit fi Jerizalèm yo, po m fonse*, men mwen bèl,Menm jan ak tant ki nan Keda yo+, menm jan ak twal tant+ Salomon yo.
6 Pa rete ap gade m poutèt po m fonseAkoz solèy la boule m.Pitit gason manman m yo te fache kont mwen,Yo te mete m okipe jaden rezenE mwen pa t ka okipe jaden rezen pa m nan.
7 Ou menm mwen* renmen anpil la,Di m nan ki patiraj ou mennen bèt ou yo manje+,Di m ki kote w mete yo kouche lè l midi,Pou m pa plede ap mache nan mitan bèt konpayon w yo genyen yoTankou yon fi ki gen yon vwal ki kouvri figi l*.”
8 “Si w pa konnen, ou menm ki pi bèl pase tout lòt medam yo,Se pou w suiv chemen bèt yo pran anEpi mennen ti kabrit ou yo manje nan patiraj ki toupre tant bèje yo.”
9 “Ou menm mwen renmen anpil la, ou bèl tankou youn nan jiman k ap rale charyo Farawon yo+.
10 Se pa ti bèl figi w bèl avèk bèl bagay ki sou li yo*,Se pa ti bèl kou w bèl ak kolye w yo.
11 N ap fè bijou* annò pou ouKi gen ti dekorasyon ann ajan sou yo.”
12 “Pandan wa a chita bò tab won li genyen an,Bon sant pafen m+ nan gaye.
13 Moun mwen renmen anpil la tankou yon ti sak ki gen lami* ki santi bon+Ki pase nuit lan nan mitan tete m.
14 Moun mwen renmen anpil la tankou yon touf ene*+Ki nan mitan jaden rezen ki Enngedi yo+.”
15 “Se pa ti bèl ou bèl ti cheri m nan.Se pa ti bèl ou bèl. Je w tankou je toutrèl+.”
16 “Ou menm tou, se pa ti bèl ou bèl cheri m nan. Ou gen anpil cham+.Kabann nou se fèy bwa.
17 Travès kay nou* se branch pye sèd.Twati kay nou se branch pye jenevriye.
Nòt anba paj
^ Lit.: “Rale m dèyè w”.
^ Oswa: “Annou pale konsènan”.
^ Anpalan de jèn medam yo.
^ Lit.: “nwa”.
^ Oswa: “yon vwal ki kouvri figi l ki montre li nan lapenn”.
^ Oswa: “nanm mwen”.
^ Se kapab tou: “figi w bèl nan mitan très cheve yo”.
^ Oswa: “fè ti sèk”.
^ Se yon gonm.
^ Se yon plant flè l santi bon e yo fè yon tenti avèk fèy li yo ki gen yon koulè mawon ki tire sou wouj.
^ Oswa: “gwo kay nou an”.
