Chante Salomon an 3:1-11
3 “Pandan m te kouche sou kabann mwen nan nuit,Mwen t ap panse ak moun mwen* renmen an+.Mwen te anvi wè l, men li pa t la+.
2 Mwen te leve al mache nan tout vil la,Nan lari yo e sou plas piblik yo,Pou m al chèche moun mwen* renmen an.Mwen te chèche l, men mwen pa t jwenn li.
3 Gad ki t ap veye vil la te rankontre avè m pandan yo t ap mache+. Mwen te mande yo:‘Èske nou wè moun mwen* renmen an pou mwen?’
4 Kou m fin pase bò kote yo,Mwen jwenn moun mwen* renmen an.Mwen kenbe l, e mwen pa t lage lJiskaske m te mennen l lakay manman m+,Nan chanm moun ki te fè m nan.
5 O pitit fi Jerizalèm yo, m ap mande nou fè sèmanSou tèt gazèl* ak femèl sèf* ki nan savann yo:Pinga nou chèche fè lanmou grandi nan kè m si se pa poukont li l vini+.”
6 “Ki bagay sa a k ap sot nan dezè a ki tankou gwo nyaj lafimen k ap monte,Ki gen sant lami, lansan blanAk tout kalite poud santi bon machann yo konn vann yo+?”
7 “Gade! Se kanape* Salomon an.Gen 60 gason vanyanPami gason vanyan ann Izrayèl yo ki toutotou l+.
8 Yo tout gen epe,Yo tout byen antrene pou yo fè lagè.Yo chak gen epe yo sou kote yoPou yo bay pwoteksyon kont danje ki gen nan nuit.”
9 “Se kanape wa Salomon an,Kanape li te fè pou tèt li ak bwa ki soti Liban yo+.
10 Poto l yo fèt ann ajan,Sipò l yo fèt annò.Kote pou l chita a kouvri ak lenn vyolèt.Pitit fi Jerizalèm yoTe dekore anndan l byen bèl ak tout kè yo.”
11 “Soti, o pitit fi Siyon yo,Vin gade wa SalomonAk kouwòn* manman l te fè pou l marye a sou tèt li+,Kouwòn li te fè pou li nan jou l t ap marye a,Nan jou li te gen kè kontan an.”
Nòt anba paj
^ Oswa: “moun nanm mwen”.
^ Oswa: “moun nanm mwen”.
^ Oswa: “moun nanm mwen”.
^ Oswa: “moun nanm mwen”.
^ Se yon bèt ki sanble ak kabrit.
^ Se yon bèt ki sanble ak kabrit.
^ Yon kanape espesyal pou pote moun ki enpòtan e ki gen yon pati ladan l ki pa anlè tèt moun nan.
^ Oswa: “kouwòn flè”.
