Chante Salomon an 5:1-16
5 “Mwen rantre nan jaden m nan+,O sè m nan, fiyanse m nan.Mwen pran lami m nan ak plant santi bon m yo*+.Mwen manje gato myèl mwen ak siwo myèl mwen,Mwen bwè diven m ak lèt mwen+.”“Manje non zanmi nou yo!Se pou nou bwè e se pou nou vin sou tèlman nou montre afeksyon youn pou lòt+!”
2 “M ap dòmi, men kè m pa poze+.Men moun mwen renmen anpil la ap frape!”“Ouvri pou mwen, sè m nan, cheri m nan,Toutrèl mwen, ou menm ki san defo!Paske, tèt mwen mouye ak lawouze,Cheve nan tèt mwen mouye nan seren+.”
3 “‘Mwen deja retire wòb mwen sou mwen.Èske se pou m mete l ankò?Mwen te lave pye m.Èske se pou m sal yo ankò?’
4 Moun mwen renmen anpil la retire men l nan twou pòt la,Lè sa a, kè m kase.
5 Mwen leve e m ouvri pou moun mwen renmen anpil la.Luil lami te kòmanse degoute sot sou men m,Li te kòmanse degoute sot sou dwèt mwenL al sou manch pòt la.
6 Mwen te ouvri pou moun mwen renmen anpil la,Men li te gentan vire ale, li pa t la ankò.Mwen te pèdi espwa* lè m wè l ale*.Mwen te chèche l, men m pa t ka jwenn li+.Mwen te rele l, men l pa t reponn mwen.
7 Gad ki t ap mache nan vil la te kontre avè m.Yo te frape m e yo te blese m.Gad ki te sou miray la te retire chal* mwen an sou mwen.
8 O pitit fi Jerizalèm yo, m ap mande nou fè sèman:Si nou jwenn moun mwen renmen anpil la,Di l mwen malad tèlman m renmen l.”
9 “Poukisa moun ou renmen anpil la pi bon pase lòt gason yo,Ou menm ki pi bèl pami tout fi yo?Ki sa moun ou renmen anpil la genyen lòt gason pa genyen,Ki fè w fè nou fè sèman nou fè a?”
10 “Moun mwen renmen anpil la bèl anpil e po l woz.Moun ka remake l menm nan mitan 10 000 moun.
11 Tèt li tankou lò, lò ki pi bon an.Cheve l tankou fèy palmye* k ap balanse,Yo nwa tankou kaw.
12 Je l tankou toutrèl ki bò kouran dloK ap benyen nan lèt,E ki chita bò kot yon pisin ki plen nèt*.
13 Bò figi l tankou epis ki fè pil+,Tankou pil fèy ki santi bon.Po bouch li tankou flè lis, lami ap degoute sot ladan yo+.
14 Dwèt li tankou lò ki gen krizolit nan pwent yo.Vant li tankou ivwa byen poli ki kouvri ak safi.
15 Janm li tankou poto mab ki chita sou sipò ki fèt ak pi bon kalite lò ki genyen an.Li bèl tankou peyi Liban, li san parèy menm jan ak pye sèd yo+.
16 Bouch* li se ladoudous,Tout sa l gen lakay li bon+.Se konsa moun mwen renmen anpil la ye, se konsa ti cheri m nan ye, o pitit fi Jerizalèm yo.”
Nòt anba paj
^ Oswa: “ak epis mwen yo”.
^ Oswa: “Nanm mwen ale”.
^ Se kapab tou: “Nanm mwen te sot sou mwen lè l te pale a”.
^ Oswa: “vwal”.
^ Se kapab tou: “tankou grap dat”.
^ Se kapab tou: “chita arebò fontèn yo”.
^ Lit.: “Palèt”.
