Chante Salomon an 7:1-13
7 “Se pa ti bèl pye w bèl nan sandal ou,O ou menm ki gen anpil bèl kalite!Kuis ou tankou bijou ki gen bèl fòm,Tankou travay yon atizan fè ak men l.
2 Lonbrik ou tankou yon ti bòl won.Se pou l toujou gen diven ki gen fèy santi bon ladan l.Vant ou tankou yon pil bleKi antoure ak flè lis.
3 De tete w tankou de ti gazèl*,De jimo yon gazèl* fè+.
4 Kou w+ tankou yon fòtrès ann ivwa+.Je w+ tankou pisin ki Esbon yo+,Bò pòtay Batrabim nan.Nen w tankou fòtrès Liban anK ap gade nan direksyon Damas.
5 Tèt ou bèl tankou Mòn Kamèl+.Cheve w+ tankou lenn vyolèt+.Wa a pèdi nan bèl cheve w yo ki tonbe sou do w.
6 Se pa ti bèl ou bèl e se pa ti kontan w fè kè m kontan ti cheri m nan.Ou ban m plis kè kontan pase tout lòt bagay!
7 Ou tankou yon pye palmye,E tete w menm jan ak grap dat+.
8 Mwen di tèt mwen: ‘M ap monte pye palmye aPou m keyi grap fwi l yo.’Se pou tete w vin menm jan ak grap rezen,Se pou souf ou gen sant pòm,
9 E se pou bouch* ou tankou pi bon diven ki genyen an,”“Yon diven k ap koule byen swa pou moun mwen renmen anpil la,Yon diven k ap koule tou dousman sou bouch moun mwen renmen anpil la.
10 Se pou moun mwen renmen an mwen ye+E li menm se mwen li anvi.
11 Ou menm mwen renmen anpil la, vini,Ann al nan jaden yo,Ann al rete nan mitan touf ene* yo+.
12 Ann leve byen bonè pou n al nan jaden rezen yoPou nou wè si pye rezen yo pouse fèy*,Si flè yo deja ouvri+,E si pye grenad yo gentan fleri+.Se la m ap montre w jan m renmen w+.
13 Sant mandragò*+ yo gaye toupatou.Nan pòt kay nou gen tout kalite bon fwi+.O ou menm mwen renmen anpil la,Ni fwi yo fèk keyi yo, ni fwi yo keyi depi lontan yo, se pou ou mwen sere yo.
Nòt anba paj
^ Se yon bèt ki sanble ak kabrit.
^ Se yon bèt ki sanble ak kabrit.
^ Lit.: “palèt”.
^ Se yon plant flè l santi bon e yo fè yon tenti avèk fèy li yo ki gen yon koulè mawon ki tire sou wouj.
^ Oswa: “si pye rezen yo boujonnen”.
^ Se yon plant ki nan menm kategori ak pòmdetè e ki bay fwi.
