Ezayi 53:1-12
53 Kiyès ki mete lafwa nan sa l tande nou di a*+?E ki moun Jewova fè wè fòs ponyèt li+?
2 L ap parèt tankou yon ti boujon+ devan l*, tankou yon rasin ki soti nan yon tè ki sèch.Li pa gen bèl prestans e li pa sanble anyen+.Lè nou gade l, aparans li pa atire nou*.
3 Moun te meprize l e yo te demake l+.Se yon moun ki te konn sa yo rele soufrans e li te konn sa maladi ye.Se kòmsi yo te kouvri figi l pou nou pa wè l*.Moun te meprize l, epi nou pa t pran l pou anyen+.
4 Vrèmanvre, li te pote maladi nou yo+,E li te pote doulè nou yo+.Men, nou te pran l pou yon moun ki gen malediksyon, yon moun Bondye pini e k ap pase tray.
5 Epoutan, yo te pèse l+ pou bagay mal nou fè yo+.Yo te kraze l pou peche nou yo+.Li te pran pinisyon an pou nou ka gen lapè+,E se grasa blese li yo nou geri+.
6 Nou tout t ap monte desann tankou mouton ki gaye+,Nou chak te fè wout pa nou,E Jewova te fè peche nou tout tonbe sou li+.
7 Yo te maltrete l+ e li te kite yo fè l soufri+,Epoutan li pa t ouvè bouch li di yon mo.Yo te mennen l labatwa tankou yon mouton+,E tankou yon manman mouton ki pa fè bri pandan l devan moun k ap tonn li,Li pa t ouvè bouch li di yon mo+.
8 Yo te maltrete l* e yo te retire lavi l* san yo pa t jije l kòmsadwa.Ki moun ki pral enterese nan detay ki montre nan ki fanmi l* soti?Paske, yo te retire l pami moun ki vivan yo+.Se pou peche pèp mwen an yo te frape* l+.
9 Yo te ba l yon kavo* bò kot mechan yo+,Byenke li pa t fè anyen ki mal,E yo pa t jwenn okenn twonpri nan bouch li+.Lè l te mouri, yo te mete l menm kote ak moun ki rich*+.
10 Men, se Jewova ki te vle* kraze l, e li te kite l soufri.Bondye, si w ap bay lavi* sèvitè w la kòm yon sakrifis ki montre moun koupab+,L ap wè desandan l yo*, l ap viv pi lontan+,E grasa li, se sa ki fè w plezi* k ap fèt, o Jewova+.
11 Akoz soufrans li yo*, l ap kontan pou sa l pral wè.Grasa konesans sèvitè m nan, sila a ki dwat la, genyen+,L ap fè yon pakèt moun vin fè sa ki dwat+,E l ap pote peche yo+.
12 Se pou rezon sa a, m ap ba l yon pòsyon bò kot anpil moun,E l ap pataje sa l pran nan lagè ak sòlda ki vanyan yo,Paske li te bay lavi l*+,E yo te konsidere l menm jan ak moun k ap fè peche yo+.Li te pot peche anpil moun+,E li te plede kòz moun ki peche yo+.
Nòt anba paj
^ Se kapab tou: “nan sa nou tande a”.
^ “L” la ka gen rapò swa ak yon moun k ap gade, swa ak Bondye.
^ Oswa: “Lè nou gade l, li pa gen yon aparans espesyal ki pou ta fè n renmen l”.
^ Se kapab tou: “Li te tankou yon moun moun vire figi yo pou yo pa gade l.
^ Oswa: “touye”.
^ Lit.: “detay konsènan jenerasyon l”.
^ Oswa: “te fè l abi”.
^ Lit.: “yo te retire l”.
^ Oswa: “Yon moun ap ba l kavo pa l”.
^ Lit.: “ak yon moun ki rich”.
^ Oswa: “nanm”.
^ Oswa: “se volonte w”.
^ Lit.: “semans li”.
^ Oswa: “Men Jewova te pran plezi”.
^ Oswa: “Akoz pwoblèm nanm li genyen”.
^ Lit.: “li te vide nanm li bay lanmò”.
