Ezayi 61:1-11
61 Lespri Jewova, Seyè ki Souvren an, sou mwen+,Paske Jewova chwazi m pou m anonse moun ki gen imilite yo bon nouvèl la+.Li voye m pou m panse moun kè yo ap fann yo,Pou m fè prizonye yo konnen y ap lib,E pou m ouvri je prizonye yo byen ouvri+.
2 Li voye m pou m fè konnen ane Jewova ap fè moun favè aAk jou vanjans Bondye nou an+,Pou m konsole tout moun ki nan lapenn+,
3 Pou m bay moun ki nan lapenn pou Siyon yo sa yo bezwen,Pou m ba yo yon foula pou yo met sou tèt yo nan plas sann dife,Pou m ba yo luil yon fason pou yo ka gen kè kontan olye yo nan lapennE pou m ba yo yon rad yo ka mete pou yo fè louwanj pou mwen olye yo kite tristès anvayi yo.Epi, moun ap rele yo gwo pyebwa k ap donnen sa ki dwat,Jaden Jewova plante, pou l ka jwenn glwa+.
4 Y ap rebati kote ki te fin kraze nan tan lontan yo.Y ap mete kote ki te devaste nan tan pase yo kanpe+,E y ap repare vil ki te kraze yo+,Sa vle di kote ki te ret san moun jenerasyon apre jenerasyon yo+.
5 “Se etranje k ap vin pran swen twoupo nou yo,E se moun lòt nasyon+ k ap vin fè jaden pou nou e k ap okipe jaden rezen nou yo+.
6 Nou menm, y ap rele nou prèt Jewova+,E y ap rele nou sèvitè Bondye.N ap manje richès nasyon yo+,E n ap mache fè konnen bèl bagay* nou resevwa nan men yo.
7 Olye pèp mwen an nan lawont, y ap gen de fwa lavalè nan eritaj la,E olye yo jwenn imilyasyon, y ap rele byen fò ak kè kontan pou sa yo resevwa a.Wi, y ap gen de fwa lavalè nan peyi yo a+.Y ap gen kè kontan pou toutan+.
8 Paske, mwen menm, Jewova, mwen renmen jistis+.Mwen rayi moun k ap vòlè ak moun ki pap fè sa ki dwat+.Mwen fidèl, e m ap bay pèp mwen an rekonpans yo.M ap fè yon alyans avèk yo pou toutan+.
9 Moun ap konnen pitit pèp mwen an pami nasyon yo+,E y ap konnen desandan l yo* pami pèp yo.Tout moun ki wè yo ap rekonèt yo,Y ap konnen yo se pitit* Jewova beni+.”
10 M ap kontan anpil grasa Jewova.Se ak tout mwen menm* m ap rejwi grasa Bondye m nan+.Paske, li abiye m ak rad delivrans+,Li met wòb long* ladwati a sou mwen,Tankou yon lemarye ki gen yon gwo mouchwa nan tèt li menm jan ak prèt yo+,E tankou yon lamarye ki met bèl bagay sou li pou fè l bèl.
11 Paske, menm jan tè a fè plant yo pouse,E menm jan sa yo plante nan yon jaden pouse,Se konsa tou Jewova, Seyè ki Souvren an,Ap fè sa ki dwat+ parèt e l ap fè moun ba li louwanj+.
Nòt anba paj
^ Oswa: “fè konnen richès”.
^ Lit.: “semans li”.
^ Oswa: “desandans”. Lit.: “semans”.
^ Oswa: “ak nanm mwen”.
^ Oswa: “met rad san manch”.
