Jozye 17:1-18
17 Apre tiraj osò a te fin fèt+, tribi Manase a te jwenn eritaj pa l+, paske se Manase ki te premye pitit gason Jozèf+. Piske Maki+, premye pitit gason Manase a, papa Galaad, te yon nonm ki te konn fè lagè, yo te ba l tèritwa Galaad ak Bazan+.
2 Epi, rès desandan Manase yo, selon fanmi kote yo soti, sètadi pitit gason Abyezè yo+, pitit gason Elèk yo, pitit gason Asriyèl yo, pitit gason Sichèm yo, pitit gason Efè yo ak pitit gason Chemida yo te resevwa eritaj pa yo nan tiraj osò ki te fèt la. Mesye sa yo se te desandan Manase, pitit gason Jozèf, selon fanmi kote yo soti+.
3 Men, Selofeyad+, pitit gason Efè ki te pitit gason Galaad, li menm ki te pitit gason Maki, pitit gason Manase, pa t gen pitit gason. Se pitit fi sèlman li te genyen. Men non pitit fi l yo: Mala, Nowa, Ogla, Milka ak Titsa.
4 Konsa, medam yo t al devan Eleyaza+, prèt la, devan Jozye, pitit gason Noun nan, e devan chèf fanmi yo, yo te di: “Se Jewova ki te bay Moyiz lòd pou l ban nou yon eritaj pami frè nou yo+.” Se sa k fè, dapre lòd Jewova te bay la, yo te resevwa yon eritaj nan fanmi papa yo+.
5 Te gen dis tèritwa ki te vin pou tribi Manase a, mete sou tèritwa Galaad ak Bazan ki te sou lòt bò* Rivyè Jouden an+.
6 Paske, medam nan tribi Manase yo te resevwa yon eritaj bò kote mesye yo. Tèritwa Galaad la te vin pou rès desandan Manase yo.
7 Fwontyè tèritwa desandan Manase yo te soti depi Achè rive Mikmetat+, anfas Sichèm+, e li te kontinye nan direksyon sid rive nan tèritwa moun ki abite Enntapwa yo.
8 Tèritwa Tapwa a+ te pou tribi Manase a. Men, vil Tapwa ki te sou fwontyè tèritwa tribi Manase a te pou desandan Efrayim yo.
9 Epi, fwontyè a te desann bò Vale Kana, nan sid ravin nan. Te gen vil ki pou tribi Efrayim nan pami vil ki pou tribi Manase a. Fwontyè tèritwa tribi Manase a+ te nan nò ravin nan e li te bout bò lanmè a+.
10 Pati ki te nan sid la te pou Efrayim, men, pati ki te nan nò a te pou Manase, se lanmè a ki te fwontyè tèritwa yo a+. Nan nò, fwontyè a te rive bò tèritwa Achè a, e nan lès, li te rive bò tèritwa Isaka a.
11 Nan tèritwa ki pou tribi Isaka a ak tribi Achè a, yo te bay tribi Manase a Bètcheyan ak vil ki ozalantou l yo e ki sou kont li, Ibleyam+ ak vil ki sou kont li, tèritwa moun Dò yo+ ak vil ki sou kont li, tèritwa moun Enndò yo+ ak vil ki sou kont li, tèritwa moun Tanak yo+ ak vil ki sou kont li, tèritwa moun Megido yo ak vil ki sou kont li, twa zòn ki gen mòn.
12 Men, desandan Manase yo pa t kapab pran vil sa yo, paske moun Kanaran yo te derefize soti nan zòn nan+.
13 Lè Izrayelit yo te vin gen plis fòs, yo te fè moun Kanaran yo travay kòm esklav+. Men, yo pa t fin mete yo deyò* nèt nan zòn nan+.
14 Desandan Jozèf yo te di Jozye: “Poukisa w ban nou* yon sèl tèritwa kòm eritaj nan tiraj osò ki fèt la+? Nou anpil, paske Jewova kontinye beni nou jiska prezan+.”
15 Jozye reponn yo: “Si nou anpil konsa, monte al nan rak bwa a, epi koupe bwa pou nou ka jwenn yon kote pou n rete nan peyi Perizit yo+ ak nan peyi Refayim yo+, piske zòn ki gen mòn nan tèritwa tribi Efrayim yo+ twò piti pou nou.”
16 Epi, desandan Jozèf yo di l: “Zòn ki gen mòn yo pa ase pou nou, e tout moun Kanaran ki abite nan vale a*, ni moun ki abite Bètcheyan yo+ ak nan vil ki ozalantou l yo e ki sou kont li yo, ni moun ki abite nan Vale* Jizreyèl yo+, gen charyo+ pou yo fè lagè ki gen epe nan wou yo*.”
17 Se sa k fè, men sa Jozye te di desandan Jozèf yo, sètadi tribi Efrayim nan ak tribi Manase a: “Nou anpil e nou gen anpil fòs. Nou pap gen yon sèl tèritwa+.
18 Zòn ki gen mòn yo ap vin pou nou tou+. Byenke se yon rak bwa, n ap koupe bwa yo e l ap vin dènye bout tèritwa nou an, paske nou pral met moun Kanaran yo deyò, menmsi yo gen fòs e yo gen charyo pou yo fè lagè ki gen epe nan wou yo*+.”
Nòt anba paj
^ Anpalan de bò lès.
^ Oswa: “fin pran sa yo genyen”.
^ Lit.: “ban mwen”.
^ Oswa: “nan plèn nan”.
^ Oswa: “Plèn”.
^ Lit.: “charyo an fè”.
^ Lit.: “charyo an fè”.
