Nawoum 2:1-13
2 Gen yon moun k ap gaye moun ki vin fè lagè avè w* yo+.Pwoteje fò yo.Veye wout la.Prepare w* e met tout kouraj ou sou ou.
2 Paske, Jewova ap fè Jakòb vin fyè ankòMenm jan Izrayèl fyè a.Paske, moun k ap fè ravaj yo ravaje yo+.E yo detwi branch yo genyen yo.
3 Boukliye ènmi Niniv yo gen koulè wouj,Sòlda yo genyen k ap fè lagè yo abiye ak rad wouj fonse.Jou yo prepare yo pou batay la,Yo fè zam an fè ki nan charyo yo konn fè lagè yo klere kou dife,E yo lonje lans ki fèt ak bwa jenevriye yo pou montre yo pare pou lagè.
4 Charyo yo konn fè lagè yo ap kouri ak tout vitès nan tout lari.Y ap kouri monte desann sou plas piblik yo.Yo klere tankou flanbo dife ki limen e yo flache tankou zèklè.
5 Wa a ap rele chèf li yo.Y ap kilbite pandan y ap avanse.Y ap kouri al sou miray li yo.Y ap mete barikad.
6 Pòtay rivyè yo ap ouvèE palè a ap tonbe*.
7 Men sa yo deside*: Yo mete l* nan lari.Y ap mennen l ale, e pitit fi li genyen ki esklav yo ap plenn.Y ap plenn tankou pijon toutpandan y ap frape lestomak* yo.
8 Depi lè Niniv egziste+, li tankou yon basen dlo,Men kounye a, yo nan kouri.Gen moun k ap rele: “Kanpe! Kanpe!”Men, pa gen pèsonn ki vire tounen+.
9 Pran ajan yo, pran lò yo!Trezò yo chaje bagay ladan yo.Yo gen tout kalite bagay ki gen anpil valè.
10 Vil la vid, li pa gen moun ladan l e li kraze+.Moun yo pèdi fòs tèlman yo pè, jenou yo ap kase, ren yo pran tranble.Laperèz parèt sou figi yo tout.
11 Ki kote lyon yo rete+? Ki kote jenn lyon* yo manje?Ki kote lyon an mache ak ti pitit liSan pa gen pèsonn ki vin fè yo pè?
12 Lyon an dechire kont bèt pou pitit li yo,E li trangle bèt pou femèl lyon yo.Li plen twou l genyen yo ak manje,E li plen kote l rete yo ak bèt li touye yo.
13 Men sa Jewova, Chèf lame yo, di: “Gade! M ap atake w+.M ap boule charyo ou konn fè lagè yo jis yo tounen lafimen+,M ap fè touye jenn lyon* w yo ak epe.M ap mete yon fren nan piye w ap piye zafè moun sou tè a.Epi, moun pap tande bri mesaje w yo ankò+.”
Nòt anba paj
^ Anpalan de Niniv.
^ Lit.: “Mare ren w”.
^ Oswa: “ap fonn”.
^ Oswa: “fikse”.
^ Anpalan de Niniv. Yo pale de li kòmsi l se yon rèn.
^ Lit.: “kè”.
^ Oswa: “jenn lyon ki gen krinyè”.
^ Oswa: “jenn lyon ki gen krinyè”.
