Zakari 10:1-12
10 “Mwen menm, Jewova, se pou yo mande m pou m fè lapli tonbe nan lè lapli konn tonbe nan sezon prentan yo.Se mwen menm, Jewova, ki fè nyaj ki lakòz tanpèt,Ki fè lapli tonbe pou lèzòm+,E ki fè jaden bay manje pou tout moun.
2 Paske, estati terafim yo* pale pawòl pou twonpe moun*.Vizyon divinò yo fè se manti yo ye.Yo rakonte rèv ki san valè,E se pou granmesi y ap eseye konsole moun.Se sa k fè pèp la pral monte desann tankou yon bann mouton.Yo pral soufri, paske yo pa gen bèje.
3 Mwen an kòlè anpil kont bèje yo,E m ap pini chèf k ap fè abi yo*.Paske mwen menm, Jewova, Chèf lame yo, mwen vire gade twoupo m nan+, mwen vire gade moun Jida yo,E mwen fè yo vin tankou bèl cheval ki konn al nan lagè.
4 Se nan Jida chèf la* soti.Se nan li chèf k ap ede moun nan* soti,Se nan li banza* sòlda ki konn fè lagè a soti.E se nan li tout moun ki alatèt yo* soti, yo tout ansanm.
5 Y ap vin tankou sòldaK ap pilonnen labou ki nan lari lè y ap batay.Y ap fè lagè, paske Jewova avèk yo+,E y ap fè moun ki sou cheval yo wont+.
6 M ap fè moun Jida yo vin gen anpil fòs,E m ap sove fanmi Jozèf+.M ap fè yo reviv,Paske m ap fè yo mizèrikòd+.Yo pral tankou moun mwen pa t janm voye jete+,Paske mwen se Jewova, Bondye yo a, e m ap reponn yo.
7 Moun ki nan Efrayim yo dwe vin tankou yon sòlda vanyan.Kè yo ap kontan kòmsi se diven yo te bwè+.Pitit gason yo genyen yo ap wè sa e y ap kontan.Kè yo ap kontan grasa Jewova+.
8 ‘M ap soufle pou m rele yo e m ap rasanble yo ansanm.Piske m ap sove yo+, y ap vin anpil,E y ap kontinye vin anpil.
9 Byenke mwen gaye yo pami pèp yo tankou semans moun ap simen,Y ap sonje m pandan yo nan zòn ki byen lwen.Yo menm ak pitit gason yo ap rejwenn fòs e y ap retounen.
10 M ap fè yo retounen sot nan peyi Ejip,E m ap fè yo sot Asiri pou m rasanble yo+.M ap mennen yo nan peyi Galaad+ ak nan Liban,E pap gen ase plas pou yo rete ankò+.
11 Mwen dwe sakaje lanmè a pou m pase ladan l,E m ap frape lanm lanmè yo+.Tout fon Rivyè Nil la ap seche nèt.M ap kraze ògèy Asiri,E baton Ejip genyen pou l kòmande a pap la+.
12 Mwen menm, Jewova, m ap fè yo vin gen anpil fòs+,E y ap mache yon fason ki onore non m+.’ Se sa Jewova di.”
Nòt anba paj
^ Oswa: “dye fanmi yo; zidòl yo”.
^ Oswa: “pale bagay ki gen rapò ak maji; pale bagay mistik”.
^ Lit.: “pini bouk kabrit yo”.
^ Lit.: “Se nan Jida fòtrès ki nan kwen an”. Ekspresyon “fòtrès ki nan kwen an” montre se yon moun ki endispansab oswa ki enpòtan.
^ Lit.: “Se nan li kwòk la”. Ekspresyon “kwòk la” montre se yon moun ki se yon sipò.
^ Gade Lis mo yo esplike yo.
^ Oswa: “tout moun k ap fè lòt moun travay di”.
