TREZÒ KI NAN PAWÒL BONDYE A | LEVITIK 16-17
Ki sa w aprann sou Jou Pirifikasyon an?
Ki sa n ka aprann sou lansan yo te konn itilize nan Jou Pirifikasyon an?
-
Priyè sèvitè fidèl Jewova yo tankou lansan, e yo fè l plezi (Sm 141:2). Menm jan gran prèt la te boule lansan an pou Jewova avèk anpil respè, nou priye Jewova avèk lakrentif e avèk respè
-
Gran prèt la te dwe boule lansan an anvan l te fè sakrifis yo. Menm jan an tou, anvan Jezi te bay lavi l kòm sakrifis, li te dwe rete fidèl ak Jewova e li te dwe obeyi kòmandman l yo pandan tout vi l sou tè a pou Jewova te ka aksepte sakrifis li a
Ki jan m ka sèten Jewova ap aksepte sakrifis mwen ba li yo?
