Nou ta renmen wouze semans verite nou plante nan kè moun yo (1Ko 3:6). Lè nou jwenn yon moun ki enterese, li bon pou nou poze yon kesyon pou nou reponn lè nou retounen vin wè moun nan. Sa ap fè li pi enterese pou nou tounen e l ap pi fasil pou nou prepare nouvèl vizit la. Lè nou retounen, nou ka di l nou vini pou nou ka reponn kesyon nou te poze dènye fwa nou te pase a.

• Lè n ap prepare prezantasyon pou nou fè lè nou pral preche kay an kay, toujou mete yon kesyon pou nou reponn nan pwochen vizit la. Se ka yon kesyon ki tou gen repons li nan piblikasyon n ap ofri a. Oubyen gendwa se yon kesyon ki nan youn nan piblikasyon nou itilize pou n fè etid ak moun yo, yon piblikasyon nou gentan prevwa n ap pote pou moun nan lè nou retounen.

• Lè n ap fini yon konvèsasyon ak yon moun ki enterese, fè l konnen nou ta renmen pale avè l ankò, apre sa, poze kesyon nou te prepare a. Pran enfòmasyon nan men moun nan pou nou ka kontakte l si posib.

• Si nou di moun nan n ap retounen yon lè byen presi, nou dwe respekte randevou a. — Mt 5:37.