Poukisa pou w prepare w? Ou ka gen yon ijans medikal oswa ou ka entène lopital san w pa t atann e san avètisman. Se sa k fè, anvan yon ijans rive, byen pwofite tout enfòmasyon ki disponib pou ede w resevwa pi bon swen ki ta ka genyen an. Lè w fè sa, w ap montre respè pou lavi e pou lwa Jewova bay anrapò ak san an. — Tr 15:28, 29.

Ki sa w ka fè pou w prepare w?

• Priye epi pran san w pou w ranpli kat instructions medicales (DPA). a Pwoklamatè ki batize yo ka jwenn yon kat DPA nan men sèvitè piblikasyon an pou yo menm ak yon Carte d’identité (ic) pou pitit yo ki minè

• Si w ansent, mande ansyen yo yon kopi dokiman Enfòmasyon pou fi ki ansent (S-401). Dokiman sa a pral ede w pran bon desizyon konsènan pwoblèm medikal ki ka rive pandan w ansent ak lè w ap akouche a

• Si w ap bezwen tretman medikal kote san ka enplike oswa w ap bezwen entène lopital, fè ansyen yo konn sa alavans epi fè lopital la konnen ou t ap byen kontan resevwa vizit yon minis relijye pami Temwen Jewova yo

Ki jan ansyen yo ka ede? Yo ka ede w ranpli kat DPA pa w la. Sepandan, ansyen yo pap pran desizyon medikal pou ou oswa fè konnen pwennvi pèsonèl yo nan kesyon ki gen rapò ak chwa chak moun ka fè (Wm 14:12; Ga 6:5). Lè w fè gwoup ansyen an konnen w ap fè fas ak yon sitiyasyon medikal ki ka enplike san, byen vit y ap kontakte Komite lyezon ospitalye a (KLO) pou ou.

Ki jan KLO a ka ede? Frè k ap sèvi nan KLO yo te jwenn fòmasyon pou yo ede moun ki nan domèn medikal ak legal yo konprann pozisyon relijye nou anrapò ak san. Yo ka pale sou fason pou yo sèvi ak kèk tretman medikal pou evite transfizyon san avèk pwofesyonèl lasante w yo. Si sa nesesè, yo ka ede w jwenn yon doktè k ap kowopere.

GADE VIDEYO KI GEN TIT FASON POU W PRAN DESIZYON NAN DOMÈN LASANTE ANRAPÒ AK SAN, EPI REPONN KESYON KI ANNAPRE A:

• Ki sa w te aprann nan videyo sa a ki ka ede w pou w prepare pou yon ijans medikal kote san enplike?

  Your answer