Pandan dènye jou sa yo, nou fè fas ak anpil eprèv ki difisil. Pafwa, nou ka santi eprèv nou yo twòp pou nou. Sepandan, si n kontinye pwoche kot Jewova, l ap ede nou andire menm eprèv ki ta ka bay plis kè kase a (Eza 43:2, 4). Ki jan nou ka pwoche kot Jewova lè n ap fè fas ak eprèv?

Lapriyè. Lè nou vide kè n bay Jewova, li ban nou lapè ak fòs nan domèn emosyonèl pou n andire. — Fp 4:6, 7; 1Te 5:17.

Reyinyon yo. Plis pase nenpòt lè, nou bezwen manje nan domèn espirityèl epi n bezwen pase tan ak frè ak sè Jewova ban nou nan reyinyon nou yo (Eb 10:24, 25). Lè nou prepare, nou asiste e nou patisipe nan reyinyon kongregasyon an, nou byen pwofite èd lespri Jewova. — Re 2:29.

Predikasyon. L ap pi fasil pou n konsantre sou bagay pozitif si n fè tout sa n kapab pou n rete aktif nan travay predikasyon an. Epitou, n ap ranfòse amitye nou genyen ak Jewova e ak konpayon travay nou yo. — 1Ko 3:5-10.

GADE VIDEYO KI GEN TIT JEWOVA AP RESEVWA W KÒM PITIT LI, EPI REPONN KESYON KI ANNAPRE YO:

• Ki sa k te ede Malu rete pwòch ak Jewova pandan eprèv li t ap rankontre yo?

  Your answer

• Menm jan ak Malu, ki jan pawòl nou jwenn nan Sòm 34:18 yo ka rekonfòte nou pandan eprèv nou yo?

  Your answer

• Ki jan eksperyans Malu a montre nou Jewova ban nou “pisans ki depase yon pisans nòmal” la lè n ap fè fas ak eprèv? — 2Ko 4:7

  Your answer