Chak ane, pèp Jewova a fè gwo efò pou yo asiste Memoryal la ansanm. Pandan semèn anvan ak apre Memoryal la, nou pwofite opòtinite espesyal sa a pou n bay Jewova glwa e pou n di l mèsi pou ranson an ki se yon kado (Ef 1:3, 7). Pa egzanp, nou envite lòt moun ak tout kè n nan Memoryal la. Gen kèk moun ki fè ajisteman yon fason pou yo pran sèvis pyonye oksilyè pou 30 oswa 50 èdtan pandan mwa mas oswa avril. Èske w ta renmen ogmante patisipasyon w nan travay predikasyon an pandan peryòd memoryal sa a? Ki sa k ka ede w?

Souvan, nou ka akonpli plis bagay lè nou planifye alavans (Pw 21:5). Avèk peryòd Memoryal la k ap avanse byen vit, kounye a se moman pou n kòmanse planifye. Egzamine fason w ta renmen patisipe plis nan travay predikasyon an pandan peryòd Memoryal la epi reflechi sou sa w bezwen fè pou w ka atenn objektif ou yo. Apre sa, mande Jewova pou l beni efò w yo. — 1J 5:14, 15.

Èske w ka panse ak kèk fason ou ka ogmante patisipasyon w nan travay predikasyon an pandan epòk Memoryal la?