Nou sèvi ak enèji nou avèk sajès lè nou fikse objektif espirityèl (1Ko 9:26). Objektif yo ede nou pi byen sèvi ak tan ki rete anvan sistèm sa a fini (Ef 5:15, 16). Pandan adorasyon an fanmi an, poukisa nou pa fikse kèk objektif pou ane sèvis k ap vini an? Pou ede nou, nimewo pwogram reyinyon sa a gen atik sou plizyè objektif nou ka egzamine nan lapriyè. — Jk 1:5.

Pa egzanp, avèk èd tout moun nan fanmi an, èske omwen yon moun ta ka vin pyonye pèmanan? Si w pa sèten w ap ka bay kantite lè yo mande a, pale ak kèk pyonye ki nan sitiyasyon ki sanble ak pa w la (Pw 15:22). Petèt, ou ka fè entèvyou ak yon pyonye pandan adorasyon an fanmi an. Epi, ekri diferan pwogram ki posib yo. Si w te pyonye lontan, egzamine si sitiyasyon w ka pèmèt ou pyonye kounye a.

Èske kèk moun nan fanmi an pa ta ka pran sèvis pyonye oksilyè pou yon mwa oswa plis? Si w pa gen anpil fòs, ou ka pran sèvis pyonye oksilyè lè w fè yon ti tan nan predikasyon chak jou. Si w pa gen anpil tan pou w al preche lasemèn akoz w ap travay aplentan oswa w lekòl, petèt ou ka chwazi yon mwa ki gen jou ferye oswa ki gen senk wikenn. Sèvi ak yon kalandriye pou nou note lè nou planifye pou nou pyonye oksilyè epi ekri yon pwogram. — Pw 21:5.

GADE VIDEYO KI GEN TIT SE POU N GEN KOURAJ . . . NOU MENM KI PYONYE, EPI REPONN KESYON KI ANNAPRE A:

• Ki sa eksperyans sè Aamand nan aprann nou sou fason Jewova renmen e pran swen moun ki fè sakrifis pou yo pyonye yo?