Bib la chaje ak egzanp priyè Jewova te reponn. Lè sèvitè Jewova yo wè fason li pran ka yo e li ede yo, sandout, sa fè lafwa yo vin pi solid. Se sa k fè, l ap bon pou nou presi nan priyè pèsonèl nou yo e eseye wè fason Jewova reponn yo. Sonje, repons priyè nou yo ka diferan ak sa nou te mande a oswa menm plis pase sa (2Ko 12:7-9; Ef 3:20). Ki fason Jewova ka reponn priyè nou yo?

• Li ka ban nou fòs nan domèn fizik, li ka fè nou santi nou kalm oswa ban nou lafwa pou nou jere pwoblèm nou yo. — Fp 4:13

• Li ka ban nou sajès pou n pran yon bon desizyon. — Jk 1:5

• Li ka fè nou gen dezi ak kapasite pou nou aji. — Fp 2:13

• Li ka fè nou santi nou kalm lè nou gen enkyetid. — Fp 4:6, 7

• Li ka fè lòt moun ban nou sa nou bezwen oswa konsole nou epi ankouraje nou. — 1J 3:17, 18

• Li ka ede moun nou priye pou yo. — Tr 12:5, 11

GADE VIDEYO KI GEN TIT JEWOVA SE SILA A KI “TANDE LAPRIYÈ”, EPI REPONN KESYON KI ANNAPRE YO:

• Ki jan eksperyans frè Shimizu a ankouraje nou si nou limite akoz pwoblèm sante?

• Ki jan nou ka imite egzanp frè Shimizu a?