• Sm 69:​30, 31 — Ki jan vèsè sa yo ka ede nou amelyore kalite priyè nou yo? (w99 15/1 18 § 11)

  Repons pa w

• Ki trezò espirityèl ou te jwenn nan lekti Labib pou semèn sa a?

  Repons pa w

An janvye 2009, yo te fè etid liv kongregasyon an, Lekòl ministè teyokratik la ak reyinyon sèvis la fè yon sèl reyinyon pandan semèn nan. Sa te pèmèt fanmi yo gen yon sware chak semèn pou yo fè adorasyon an fanmi. Anpil moun te fè konnen jan yo apresye dispozisyon sa a ki te ede yo vin pi pwòch Jewova e vin pi pwòch youn lòt. — Dt 6:​6, 7.

Ki prensip konsa ki ka ede chèf fanmi yo byen reyisi sware adorasyon an fanmi an?

• Fè l regilyèman. Depi sa posib, fikse yon lè pou n fè adorasyon an fanmi an chak semèn. Planifye yon lòt jou pou n fè l si n pa t rive fè l nan jou nou te pwograme a

• Prepare. Planifye ak madanm ou, e pafwa, mande timoun yo kèk sijesyon. Ou pa bezwen fè yon pakèt tan ap prepare, sitou si fanmi an renmen fè menm kalite aktivite yo chak semèn

• Adapte pwogram nan ak fanmi w. Tank timoun yo ap grandi, bezwen yo ak kapasite yo ap chanje. Pwogram adorasyon an ta dwe ede chak moun nan fanmi an vin pi pwòch Jewova

• Anbyans lan dwe rilaks, li dwe gen lanmou. Pafwa, eseye fè adorasyon an deyò si tan an pèmèt sa. Santi nou alèz pou n pran yon ti poz lè n santi n bezwen sa. Se vre ou ka pale sou kèk ti pwoblèm fanmi an genyen, men ou pa dwe sèvi ak adorasyon an fanmi an pou w kritike oswa pou w bay disiplin

• Varye aktivite yo. Pa egzanp, nan pwogram adorasyon an, ou ka prepare yon pati nan pwochen reyinyon an, gade yon videyo sou sit jw.org la epi pale sou li, e w ka fè repetisyon pou travay predikasyon an. Byenke se plis konvèsasyon nou ta dwe fè nan sware adorasyon an fanmi an, men tou, nou ka rezève tan pou chak moun nan fanmi an fè etid pèsonèl yo

Fè yon ti pale sou kesyon sa a:

• Ki jan w te eseye suiv prensip sa yo nan adorasyon an fanmi w lan?

  Repons pa w