Tribilasyon yo ka fè n dekouraje byen fasil, sitou lè yo dire anpil tan. David te konnen tribilasyon l te jwenn akoz wa Sayil yo t ap gen pou yo fini yon lè e l t ap gen poul vin wa jan Jewova te pwomèt sa (1Sa 16:13). Lafwa David te ede l pou l gen pasyans epi ret tann Jewova.

Lè n ap fè fas ak tribilasyon, nou kapab sèvi ak bon jijman, konesans, oswa kapasite nou genyen pou nou reflechi a pou nou chanje sitiyasyon an (1Sa 21:12-14; Pw 1:4). Sepandan, gen kèk pwoblèm k ap toujou la menm lè n te fin fè tout sa n kapab ann amoni ak prensip ki nan Bib la. Nan ka sa yo, nou dwe demontre pasyans epi ret tann Jewova. Talè konsa, li pral fini ak tout soufrans nou yo e “l ap siye tout dlo nan je” nou (Re 21:4). Kit se yon bagay Jewova fè pou soulaje nou, kit se akoz lòt rezon, yon bagay ki sèten sèke tout tribilasyon gen yon lè pou yo fini. Nan yon sans sa ka rekonfòte nou.

GADE VIDEYO KI GEN TIT YON PÈP KI GEN TÈT ANSANM NAN YON MONN KI DIVIZE, EPI REPONN KESYON KI ANNAPRE YO:

• Ki difikilte kèk kretyen nan sid Etazini te jwenn?

• Ki jan yo te montre yo gen pasyans ak lanmou?

• Ki jan yo te kontinye konsantre sou “bagay ki pi enpòtan yo”? — Fp. 1:10