Se sèlman moun ki pwòp nan domèn moral k ap ka gen yon relasyon sere sere ak Jewova (1P 1:14-16). Toutpandan etidyan Labib yo ap kite move abitid yo te genyen, lavi fanmi yo, sante yo ap amelyore, e y ap jwenn byenfè nan domèn finansye.

Esplike yo prensip moral Jewova yo byen klè, rezon ki fè Jewova bay yo, e rezon ki fè nou ta dwe suiv yo. Konsantre w sou ede etidyan w lan chanje fason l panse e konsa y ap kapab fè sa Jewova vle yo fè (Ef 4:22-24). Ba yo asirans avèk èd Jewova yo ka rive kite yon seri move abitid ki anrasinen nan yo (Fp 4:13). Anseye yo pou yo sipliye Jewova lè yo devan sitiyasyon k ap pouse yo fè peche. Ede yo idantifye epi evite sitiyasyon ki ta ka fè yo tonbe nan tantasyon. Ankouraje yo pou yo ranplase move abitid yo te genyen ak aktivite k ap bon pou yo. N ap jwenn kè kontan lè nou wè chanjman etidyan Labib yo fè grasa èd Jewova.

GADE VIDEYO KI GEN TIT EDE ETIDYAN LABIB OU YO KITE ABITID KI PA PWÒP, EPI REPONN KESYON KI ANNAPRE YO:

• Ki jan ansyen yo ak Nita te montre yo gen konfyans nan Jad?

• Ki jan Nita te bay Jad èd pratik?

• Ki jan Jad te chèche èd nan men Jewova?