Nou gen kat videyo yo fè pou moun k ap etidye Labib nou ka itilize nan travay prediksyon an. Nan ki objektif yo te fè yo chak?

• Poukisa nou dwe etidye Labib? — Videyo konplè a te fèt pou eveye enterè moun yo nan Bib la kèlkeswa kwayans relijye yo. Li ankouraje moun yo pou yo chèche nan Bib la repons yon seri gwo kesyon yo konn poze nan lavi a epi li bay yon apèsi sou enfòmasyon lojik nou jwenn nan Bib la. Li esplike fason moun kapab mande yon etid biblik.

• Poukisa nou dwe etidye Labib (vèsyon ki pi kout la) menm jan ak videyo konplè a, men, li fè yon tyè longè vèsyon ki konplè a. Li ka pi efikas nan tèritwa kote moun yo prese.

• Ki jan yo fè yon etid biblik? la te fèt pou eveye enterè moun yo nan pwogram etid Labib gratis nou an epi reponn kèk kesyon sou pwogram etid Labib la, sa gen ladan l fason pou yo mande yon etid.

• Fason w ka byen pwofite etid Labib ou a te fèt pou etidyan Labib yo. Byenke se nan paj de liv Viv ak kè kontan pou toutan! an yo entwodui videyo a, nou ka montre l lè n ap sèvi ak bwochi Viv ak kè kontan pou toutan! an. Videyo a montre sa ki nan liv la ak sa etidyan an ka espere jwenn pandan konvèsasyon yo.

Byenke chak videyo te fèt pou yon objektif byen presi, nou ka montre oswa voye nenpòt nan yo bay moun yo lè sa apwopriye. Yo ankouraje pwoklamatè yo pou yo byen abitye ak videyo yo epi byen sèvi avèk yo nan travay predikasyon an.