JW Library se yon aplikasyon gratis (yon pwogram yo fè pou yon seri aparèy elektwonik), l ap pèmèt nou telechaje Bib la ak lòt piblikasyon, videyo ak pwogram odyo sou telefòn nou, tablèt nou oswa sou òdinatè n.

FASON POU W JWENN LI: Ale sou Entènèt, epi enstale JW Library apati yon aplikasyon sou aparèy mobil ou. Aplikasyon JW Library a disponib pou divès kalite aparèy mobil. Pandan w sou Entènèt la, ouvri aplikasyon sa a epi chwazi atik ou ta renmen telechaje sou aparèy ou a. Si w pa ka al sou Entènèt lakay ou, petèt ou ka fè sa nan Sal Wayòm nan, si l gen Entènèt, nan yon bibliyotèk piblik oubyen toupre yon Sibèkafe. Yonfwa w fin telechaje piblikasyon yo sou aparèy ou, ou pa bezwen konekte sou Entènèt pou w jwenn yo. Piske yo mete lòt bagay sou JW Library regilyèman, ou ta dwe ale sou Entènèt detanzantan pou w ka enstale aplikasyon ki ajou yo, lè yo disponib.

POUKISA POU N AL SOU LI? JW Library fè l vin fasil pou n fè etid pèsonèl e pou n suiv reyinyon kongregasyon an. Li itil nou tou nan travay predikasyon an, sitou lè n ap bay temwayaj enfòmèl.