Lalwa Moyiz la te mande pou yon gason ki vle divòse ak yon fi prepare yon papye divòs. Sa te ede gason an reflechi anvan l kouri kraze maryaj li. Men, nan epòk Jezi a, chèf relijye yo te fè li fasil pou moun divòse. Mesye yo te ka divòse ak madanm yo pou ti krik ti krak. (“papye divòs” nwtsty nòt etid pou Mk 10:4; “divòse ak madanm li”, “fè adiltè sou madanm li” nwtsty nòt etid pou Mk 10:11.) Jezi te raple yo se Jewova ki vin ak maryaj e se li ki gen dwa pou di ki sa k dwe fèt (Mk 10:2-12). Yon mari ak madanm dwe vin fè “yon sèl chè”, e yo dwe rete konsa pou toutan. Sèl rezon Bib la bay ki ka fè yon moun divòse selon sa nou jwenn nan liv Matye a se lè gen “imoralite seksyèl”. — Mt 19:9.

Jodi a, anpil moun pa wè maryaj menm jan ak Jezi, okontrè, yo wè l menm jan ak Farizyen yo. Nan monn nan, lè moun yo gen pwoblèm nan maryaj yo sèl sa yo wè se divòse. Men, kretyen yo yo menm bay ve yo te fè pandan yo t ap marye a anpil enpòtans e yo fè anpil efò pou yo rezoud pwoblèm yo lè yo suiv prensip ki nan Bib la. Reponn kesyon ki vin apre yo apre nou fin gade videyo ki gen tit Lanmou ak respè fè gen inite nan fanmi yo.

• Ki jan n ka aplike Pwovèb 15:1 nan maryaj nou, e poukisa sa enpòtan?

• Ki jan n ka evite pwoblèm lè n suiv sa ki di nan Pwovèb 19:11?

• Si maryaj ou sou wout kraze, olye pou w ap mande tèt ou si w ta dwe divòse, sou ki kesyon w ta dwe reflechi?

• Ki jan w ka vin yon pi bon mari oswa yon pi bon madanm lè w suiv sa ki di nan Matye 7:12?