REZON KI FÈ SA ENPÒTAN: Kretyen Bondye chwazi pou al nan syèl yo ak lòt mouton yo ap envite tout kalite moun vin “pran dlo lavi a gratis”. (Re 22:17.) Dlo sa a represante tout dispozisyon Jewova pran pou l libere tout moun ki obeyi l yo anba peche ak lanmò. Pou n rive ede moun ki gen divès koutim, relijyon ak kwayans, li enpòtan pou n prezante “bon nouvèl k ap dire pou toutan” an yon fason k ap atire yo chak. — Re 14:6.

FASON POU NOU FÈ L:

• Chwazi yon sijè ak yon vèsè k ap touche kè moun nan tèritwa w la. Ou ka chwazi yon modèl konvèsasyon oswa yon lòt bagay w abitye fè ki bay bon rezilta. Ki sijè e ki vèsè ou wè ki plis enterese moun yo? Èske gen yon nouvèl ki nan lespri anpil moun e y ap pale de li? Ki sa k ap enterese yon gason oswa yon fi?

• Nan konvèsasyon w ap fè yo, salye moun yo epi suiv koutim moun nan zòn nan genyen. — 2Ko 6:3, 4

• Chèche byen konnen piblikasyon ak videyo ki nan Bwat zouti pou anseye a pou w ka pataje yo ak moun ki enterese

• Telechaje enfòmasyon nan lang moun ou ka rankontre nan tèritwa w la

• Adapte sijè w la selon bezwen moun ou rankontre a (1Ko 9:19-23). Pa egzanp, ki sa w ka di si w aprann moun ou rankontre a fèk pèdi yon moun li renmen?

GADE VIDEYO A, EPI REPONN KESYON KI ANNAPRE YO:

• Sou ki sa pwoklamatè a te kòmanse pale ak moun li rankontre a?

• Ki sa k te pase nan lavi moun li rankontre a?

• Ki vèsè ki te pi apwopriye pou okazyon sa a, e poukisa?

• Ki sa w fè pou w adapte prezantasyon w yo yon fason pou yo enterese moun nan tèritwa w la?