Men sa Jezi te di: “Se gratis nou te resevwa, se gratis pou nou bay.” (Mt 10:8). Nou suiv prensip sa a lè nou pa mande moun yo peye pou yon Bib oswa pou piblikasyon nou yo ki baze sou Bib la lè n kite yo pou yo (2Ko 2:17). Sepandan, piblikasyon sa yo gen verite ki gen anpil valè ki soti nan Pawòl Bondye a. Nou fè anpil efò ak anpil depans pou n enprime yo e pou n voye yo bay kongregasyon yo ki toupatou sou tè a. Se sa k fè nou ta dwe pran sèlman sa nou bezwen.

Lè n ap bay yon moun yon piblikasyon, li mèt se nan temwayaj piblik, se pou nou aji avèk bon konprann (Mt 7:6). Olye pou nou annik lonje yon piblikasyon bay yon moun k ap pase, pito n chèche fè yon konvèsasyon ak li pou n wè si l enterese. Èske n ka reponn wi pou omwen youn nan kesyon ki nan kare ki mache ak atik sa a? Si n pa rive wè enterè moun nan, li pi bon pou n ba l yon feyè. Natirèlman, si l mande n yon peryodik oswa yon lòt piblikasyon, n ap kontan ba li l. — Pw 3:27, 28.