61:1, 2

• Se yon peryòd tan kote Jewova bay moun ki gen imilite posiblite pou yo reyaji devan mesaj ki montre yo y ap vin lib la

• Nan premye syèk la, ane Jewova ap fè moun favè a te kòmanse lè Jezi te kòmanse travay predikasyon li t ap fè a nan ane 29 epòk nou an, e li te dire jiskaske “jou vanjans” Jewova a te rive lè yo te detwi Jerizalèm nan ane 70 epòk nou an

• Nan epòk pa nou an, ane Jewova ap fè moun favè a te kòmanse lè Jezi te monte sou twòn nan nan syèl la nan ane 1914, e l ap fini nan moman gwo tribilasyon an

61:3, 4

• Jeneralman, pyebwa ki pi wo nan monn nan grandi ansanm nan forè, kote chak pyebwa ap soutni youn lòt

• Yo gen yon pakèt rasin ki mele youn ak lòt ki fè pyebwa yo kanpe byen djanm e ki fè yo gen fòs pou yo reziste lè gen tanpèt

• Pyebwa ki wo yo pwoteje ti pyebwa k ap grandi yo, e fèy ki tonbe yo tounen angrè pou tè a

Tout moun ki fè pati kongregasyon an toupatou sou tè a jwenn èd ak pwoteksyon grasa “gwo pyebwa k ap donnen sa ki dwat” yo, sa vle di rès kretyen ki gen esperans pou y al viv nan syèl la