Esperans tankou lank yon batiman (Eb 6:19). Li ede nou lè n nan tanpèt pou n pa fè nofraj, sa vle di pou n pa pèdi relasyon nou gen ak Bondye a (1Ti 1:18, 19). Tanpèt sa yo se kapab lè nou dekouraje, nou pèdi bagay materyèl nou te posede, nou gen yon maladi ki pwolonje, nou gen yon moun pa n ki mouri oswa nenpòt lòt bagay ki vle anpeche n ret fidèl ak Bondye nan tout bagay.

Lafwa ak esperans ka ede n wè rekonpans Bondye pwomèt la byen klè (2Ko 4:16-18; Eb 11:13, 26, 27). Se poutèt sa, kit nou gen esperans pou n al viv nan syèl la, kit nou gen esperans pou n viv sou tè a, nou dwe byen nouri nou nan Pawòl Bondye a lè n medite sou pwomès ki ladan l yo. Epi, lè n anba eprèv k ap ban nou sakad, l ap difisil pou n pèdi jwa nou. — 1P 1:6, 7.

GADE VIDEYO REJWI NAN ESPERANS LAN, EPI REPONN KESYON KI VIN APRE YO:

• Poukisa Moyiz se yon bon egzanp pou n imite?

• Ki responsablite chèf fanmi yo genyen?

• Ki sijè konsa nou ka egzamine nan adorasyon an fanmi n ap fè?

• Ki jan esperans lan ka ede n fè fas ak eprèv yo avèk konfyans?

• Ki sa n ap tann ki gen pou reyalize?