Ki sitiyasyon w ap viv chak jou? Èske w se yon chèf fanmi k ap eseye pran swen fanmi an? Èske w se yon paran k ap eseye pran swen fanmi w poukont ou? Èske w se yon jèn ki lekòl k ap fè fas ak brimad lòt jèn? Èske w ap fè fas ak pwoblèm sante oswa pwoblèm laj pote? Tout moun gen pwoblèm. Anpil kretyen ap fè fas ak plizyè pwoblèm anmenmtan. Sepandan, nou konnen talè konsa nou pral libere anba tout pwoblèm sa yo. — 2Ko 4:16-18.

Pandan n ap tann moman sa a rive, nou jwenn rekonfò lè n konnen Jewova konprann sitiyasyon nou, li bay fidelite nou ak andirans nou anpil valè, e li sere anpil benediksyon pou nou (Jr 29:11, 12). Jezi enterese nan nou tou. Pandan n ap ranpli responsablite nou genyen antanke kretyen, men asirans Jezi ban nou: “Mwen avèk nou.” ​(Mt 28:20). Lè n pran yon ti tan pou n medite sou libète nou pral genyen anba Wayòm Bondye a, nou fè esperans nou an vin pi reyèl pou nou, epi nou vin gen plis detèminasyon pou n andire pwoblèm nou jwenn kounye a. — Wm 8:19-21.

GADE VIDEYO KI GEN TIT PISKE TANPÈT LA AP PWOCHE, KITE LESPRI NOU FIKSE SOU JEZI! — BENEDIKSYON WAYÒM NAN PRAL POTE, EPI REPONN KESYON KI ANNAPRE YO:

• Ki jan lèzòm te fè vin lwen Bondye, e ki rezilta sa bay?

• Ki avni k ap tann moun ki fidèl ak Jewova yo?

• Ki jan bèl avni sa a fè posib?

• Ki benediksyon ou deja chofe pou w jwenn nan monn nouvo Bondye pwomèt la?