Mete nou nan plas lòt moun vle di konprann fason yo panse, santiman yo, sa k enpòtan pou yo ak sa yo bezwen. L ap fasil pou lòt moun wè lè nou mete nou nan plas yo, e sa parèt nan gwo anvi nou genyen pou nou ede yo. Lè nou mete nou nan plas lòt moun nan travay predikasyon an, nou imite lanmou Jewova ak sousi li gen pou moun e sa fè lòt moun anvi konnen l. — Fp 2:4.

Mete nou nan plas lòt moun se pa jis yon metòd ansèyman; sa parèt nan fason nou pran tan pou n pale, pou n koute, nan atitid nou, nan jès nou fè ak nan santiman ki parèt sou vizaj nou. Nou mete nou nan plas yon moun lè nou montre nou vrèman enterese nan li. Nou pran an konsiderasyon sa ki enterese l, kwayans li ak sitiyasyon l. Nou ba li enfòmasyon ak èd li bezwen san nou pa fòse l chanje. Lè moun nou preche yo aksepte èd nou, sa fè nou pi kontan toujou.

GADE VIDEYO KI GEN TIT CHÈCHE JWENN KÈ KONTAN NAN TRAVAY FÈ DISIP LA — CHÈCHE VIN PI MATON: METE NOU NAN PLAS LÒT MOUN, EPI REPONN KESYON KI ANNAPRE YO:

• Ki jan Nita te montre l konn mete l nan plas lòt moun lè Jad te rive anreta?

• Ki jan Nita te montre l konn mete l nan plas lòt moun lè Jad te di l li twò strese pou l fè etid la?

• Ki jan Nita te montre l konn mete l nan plas lòt moun lè Jad te fè l konnen li pa yon moun ki òganize?