Pandan gwo tribilasyon an ap pwoche, travay predikasyon n ap fè a vin ijan (Pw 24:11, 12, 20). Pou n ka ede moun yo, nou ka sèvi ak kat yo pou n atire atansyon yo sou Pawòl Bondye a ak sou sit nou an. Kat sa yo gen yon kòd sou yo k ap mennen moun yo gade videyo Poukisa nou dwe etidye Labib? la e yo ankouraje yo mande plis enfòmasyon oswa yon etid biblik. Gen kèk moun ki konn pa dispoze aksepte yon piblikasyon, men ki ka dispoze ale sou sit nou an. Nou pa dwe ezite bay moun sa yo yon kat. Sepandan, pa kite kat la nan men moun ki pa montre yo enterese.

Nan aktivite n ap fè chak jou, nou ka ede yon moun vin enterese lè nou di l tou senp: “Mwen gen yon bagay m ta renmen ba w. Kat sa a ap voye w sou yon sit ki gen enfòmasyon ak videyo gratis sou yon pakèt sijè.” (Jan 4:7). Kòm kat yo pa gwo, petèt nou ka toujou gen kèk kat sou nou pou nou bay nan chak okazyon.