LAVI NOU ANTANKE KRETYEN
Kanpay espesyal pou n distribye Toudegad pandan mwa septanm nan
Moun toupatou sou tè a bezwen konsolasyon (Ekl 4:1). Pandan tout mwa septanm nan, nou pral fè yon efò espesyal pou nou ofri yon Toudegad ki pale sou konsolasyon. N ap distribye Toudegad sa a tout kote. Men, piske n vle pale ak moun yo dirèkteman pou n ba yo konsolasyon, nou pap kite peryodik yo nan kay kote n pa jwenn moun.
SA NOU KA DI
“Gen moman nan lavi n kote nou bezwen konsolasyon. Men, ki kote nou ka jwenn li? [Li 2 Korentyen 1:3, 4.] Atik ki nan Toudegad sa a, ap montre w ki jan Bondye bay moun konsolasyon.”
Si moun nan montre l enterese epi l aksepte peryodik la,...
MONTRE L VIDEYO POUKISA NOU DWE ETIDYE LABIB? LA
Epi, ofri l yon etid Labib.
POZE BAZ POU YON NOUVÈL VIZIT
Poze yon kesyon w ap bezwen reponn lè w tounen, tankou: “Poukisa Bondye pèmèt soufrans?”
Lòt sijè ki enteresan
TOUDEGAD
Nou tout bezwen konsolasyon
Ki kote nou ka jwenn konsolasyon lè nou gen moun pa nou ki mouri oswa lè nou gen gwo pwoblèm sante, lè nou gen pwoblèm nan maryaj nou oswa lè nou pèdi travay nou?
