Poukisa nou dwe pase tan avèk moun ki renmen Jewova? Paske moun nou chwazi pase tan avèk yo ka ede nou fè bon bagay oswa yo ka pouse n fè yon seri bagay ki pa bon (Pw 13:20). Pa egzanp, wa Jewowas te “fè sa ki dwat nan je Jewova” toutotan li te konn pase tan ak Jewoyada, gran prèt la (2Kw 24:2). Apre lanmò Jewoyada, lefètke Jewowas te vin gen move frekantasyon, li te abandone Jewova. — 2Kw 24:17-19.

Nan premye syèk epòk nou an, apot Pòl te konpare kongregasyon kretyen an ak “yon gwo kay” e li te konpare moun ki ladan l yo ak “veso”, oubyen bagay yo itilize nan yon kay. N ap rete yon “veso ki la pou yon sèvis ki onorab” lè nou evite vin bon zanmi ak kèlkeswa moun k ap fè yon seri bagay ki pa fè Jewova plezi, menmsi se ta yon manm fanmi nou oubyen yon moun nan kongregasyon an (2Ti 2:20, 21). Kidonk, ann kontinye fè zanmi ak moun ki renmen Jewova e k ap ankouraje nou sèvi l.

GADE VIDEYO APRANN EVITE MOVE FREKANTASYON AN, EPI REPONN KESYON KI ANNAPRE YO:

• Ki jan, san nou pa rann nou kont, nou ka ap pase tan ak moun nou pa ta dwe frekante?

• Ki sa k te ede frè ak sè nan videyo a kanpe tout move frekantasyon yo te genyen?

• Ki prensip biblik ki kapab ede w byen chwazi moun w ap frekante yo?