Pandan tout listwa, sèvitè Bondye yo te reyalize yon pakèt bèl travay. Se pa ak pwòp kapasite yo men se grasa èd Jewova. Nan ane 1954, òganizasyon Jewova a te fè yon fim ki gen tit Sosyete monn nouvo a ann aksyon. Prèske tout moun ki te travay nan pwodui fim sa a se te betelit ki pa t gen eksperyans nan fè fim. Yo te rive reyalize gwo pwojè difisil sa a sèlman grasa lespri sen Jewova. Sa ban nou asirans si nou konte sou Jewova nou ka reyisi nan kèlkeswa asiyasyon nou resevwa. — Zek 4:6.

GADE VIDEYO KI GEN TIT FASON YO TE FÈ VIDEYO “SOSYETE MONN NOUVO A ANN AKSYON” AN, EPI REPONN KESYON KI ANNAPRE YO:

• Poukisa yo te pran desizyon fè yon fim konsènan syèj mondyal la?

• Ki jan fim nan te montre Betèl la menm jan ak kò yon moun? — 1Ko 12:14-20

• Ki difikilte frè yo te rankontre pandan yo t ap fè fim nan, e ki jan yo te fè fas ak yo?

• Ki sa eksperyans sa a aprann nou sou lespri sen Jewova?