Maryaj kretyen ki reyisi yo onore Jewova e yo fè ni mari a ni madanm nan jwenn kè kontan (Mk 10:9). Pou kretyen yo gen kè kontan nan maryaj yo e pou maryaj la dire yo dwe rete kole ak prensip biblik yo lè y ap chwazi yon konjwen.

Kòmanse frekante sèlman lè w “pa twò jèn”, yon peryòd kote gwo dezi seksyèl yo ka tòde jijman w (1Ko 7:36). Byen sèvi ak ane w selibatè yo pou w ranfòse relasyon w ak Bondye e pou w devlope kalite kretyen yo. Konsa, w ap vin nan yon pi bon pozisyon pou w kontribye pou yon maryaj reyisi.

Anvan w dakò marye ak yon moun, pran kantite tan ki nesesè pou w aprann konnen “moun [li] ye nan fon kè” l la (1P 3:4). Si w kòmanse gen bonjan dout, pale sou sa ak moun ou anvizaje marye avè l la. Menm jan ak lòt relasyon moun ak moun, nou ta dwe plis konsantre n sou sa n ap bay olye de sa n ap jwenn nan maryaj la (Fp 2:3, 4). Si w aplike prensip biblik yo anvan w marye, w ap poze bonjan baz pou yon maryaj ki gen kè kontan.

GADE VIDEYO KI GEN TIT PREPARASYON POU MARYAJ — 3^YÈM PATI: “KALKILE KONBYEN SA AP KOUTE,” EPI REPONN KESYON KI ANNAPRE YO:

• Ki jan relasyon sè a ak John t ap pwogrese?

• Ki sa sè a te remake lè l te vin byen konn John?

• Ki jan paran l yo te ede l e ki desizyon saj li te pran?