Youn nan pi bon fason paran yo ka ede timoun yo gen sajès ki soti nan Bondye a, se lè yo ede yo jwenn byenfè nan reyinyon yo. Sa jèn yo wè, sa yo tande, ak sa jèn yo di nan kòmantè y ap fè nan reyinyon yo ka ede yo aprann sou Jewova e pou yo vin bon zanmi l (Dt 31:​12, 13). Si w se yon paran, ki jan w ka ede pitit ou pi byen pwofite reyinyon yo?

• Fè gwo efò pou w asiste reyinyon yo an pèsòn. — Sm 22:22

• Rezève tan pou n ankouraje frè n ak sè n yo nan sal Wayòm nan anvan oswa apre reyinyon. — Eb 10:25

• Asire w chak moun nan fanmi an gen yon kopi piblikasyon y ap etidye nan reyinyon an, kit se sou fòma elektwonik oswa enprime

• Ede pitit ou prepare yon kòmantè nan pwòp mo pa l.  — Mt 21:​15, 16

• Pale yon fason ki pozitif konsènan reyinyon yo ak enstriksyon nou resevwa ladan yo

• Ede pitit ou enplike nan yon seri aktivite tankou netwayaj sal Wayòm nan epi ankouraje yo pale ak moun ki granmoun nan kongregasyon an

Ede pitit ou yo pou yo vin pwòch ak Jewova mande anpil travay, e pafwa sa ka sanble twòp pou ou. Sepandan, ou ka konte sou èd Jewova. — Eza 40:29.

GADE VIDEYO KI GEN TIT PARAN, FÈ JEWOVA KONFYANS E KONTE SOU FÒS LI, EPI REPONN KESYON KI ANNAPRE YO:

• Ki efè fatig te gen sou Zack ak Leah?

  Repons pa w

• Poukisa paran yo ta dwe chèche fòs nan Jewova?

  Repons pa w

• Nan ki sans Zack ak Leah te konte sou Jewova pou yo reyisi?

  Repons pa w