Egzanp: Asaf

Asaf ap viv yon moman difisil nan lavi l. Toutotou l li wè moun k ap vyole lwa Bondye yo e ki sanble ap byen mennen! Kòm rezilta, Asaf ap mande tèt li si sa vo lapèn pou l eseye fè Bondye plezi. Li di: “Vrèmanvre, se pou granmesi mwen te fè efò pou kè m ret pwòp.” Apre li fin byen reflechi sou sijè a, li chanje fason l panse. Li rann li kont swadizan kè kontan mechan yo genyen an se pou yon ti tan. Men ki sa Asaf di: “Depi m genyen w, mwen pa bezwen anyen ankò sou tè a.” — Sòm 73:3, 13, 16, 25, 27.

Petèt pafwa ou konn ap mande tèt ou si gen rezon vre pou w suiv prensip ki nan Bib la. Men, menm jan an ak Asaf, se pou w byen reflechi, pa gade sou swadizan kè kontan mechan yo genyen. Fè yon ti reflechi sou jan moun ki pa gen respè pou lwa Jewova yo ye. Èske yo anpè vre? Èske yo jwenn yon kè kontan sèvitè fidèl Jewova yo pa jwenn? Apre w fin byen reflechi sou sijè a, sandout w ap di menm jan ak Asaf: “Pwoche bò kote Bondye bon pou mwen.” — Sòm 73:28.