Kantik 8 (21)

Aklame Wayòm Jewova a !

(Revelasyon 11:17)

1. Aklame Wayòm Bondye a,

Ki tabli ak Jezi Kris.

Nan syèl la, sou non Mikayèl,

Li bat Satan, se jistis.

Talè Dyab la, wi, Dragon an,

Ak demon l yo, pral fèmen.

E louwanj Kris fè pou Bondye,

Sou tè a pral klewonnen.

2. Rès kretyen wen yo pran latèt,

Yo menm, ti twoupo fidèl,

Y’aklame Wayòm Bondye a,

Ak Kris, y ap wa imòtèl.

Nou menm ki pral viv sou tè a

Nan yon trè bèl Paradi,

Ann ede rès la byen preche

Wayòm nan k ap bay lavi.

3. Aklame Wayòm Jewova !

Preche l ak anpil ladrès.

Anseye moun enb, moun sensè,

Konsa, y ap sot nan detrès.

Aklame Wayòm Bondye a,

Fè konnen sa l ap pote.

Li pral bay byenfè etènèl,

Non Bondye l ap sangtifye.